Keshe Premer-Mınıstr Serik Ahmetov Qytaı Halyq Respýblıkasynyń Syrtqy ister mınıstri Van Imen kezdesti, dep habarlady Premer-Mınıstrdiń baspasóz qyzmeti.
Keshe Premer-Mınıstr Serik Ahmetov Qytaı Halyq Respýblıkasynyń Syrtqy ister mınıstri Van Imen kezdesti, dep habarlady Premer-Mınıstrdiń baspasóz qyzmeti.
Kezdesý barysynda Úkimet basshysy eki el kóshbasshylarynyń ekijaqty qarym-qatynastardy damytýdaǵy turaqty saıası únqatysýynyń rólin atap kórsete otyryp, QHR Tóraǵasy Sı Szınpınniń alda turǵan Qazaqstanǵa memlekettik saparynyń aıryqsha mańyzdylyǵyn atap ótti.
S.Ahmetovtiń aıtýynsha, Qazaqstan men QHR arasyndaǵy saýda-ekonomıkalyq yntymaqtastyq yrǵaqty damýda. 2012 jyldyń qorytyndysy boıynsha, taýar aınalymy kólemi 25 mlrd. dollardan asty, al 2015 jylǵa qaraı taýar aınalymyn 40 mlrd. dollarǵa deıin jetkizýge múmkindik bar.
S.Ahmetov munaı-gaz, energetıka, kólik salasy, AО́K-ti jáne tranzıttik áleýetti damytýdy ózara qarym-qatynastardyń perspektıvaly baǵyttary retinde atap ótti. Osyǵan baılanysty ol Qazaqstan-Qytaı iskerlik keńesi jelisi boıynsha baılanystardy nyǵaıtý qajettiligine toqtaldy.
S.Ahmetov atap ótkenindeı, transshekaralyq ózenderdi retteý salasyndaǵy yntymaqtastyq ta Qazaqstan men Qytaı arasyndaǵy jan-jaqty strategııalyq áriptestiktiń mańyzdy aspekti bolyp tabylady. Ol Sý bólinisi týraly memleketaralyq kelisim jobasyn talqylaýdy bastaýdy usyndy.
Biz bul máseleni laıyqty retteý jolyn mindetti túrde tabamyz, transshekaralyq ózender bizdiń halyqtarymyzdy jalǵastyratyn dánekerge aınalatyn bolady, dedi qytaılyq dıplomat óz kezeginde.
QHR SIM basshysy S.Ahmetovke QHR Memlekettik keńesiniń Premeri Lı Kesıannyń sálemi men ıgi tilekterin jetkizdi. Qytaıdyń jańa basshylyǵy Qazaqstanmen strategııalyq yntymaqtastyqty nyǵaıtýǵa zor mańyz beredi, dep atap ótti Van I. Sondaı-aq, ol QHR Tóraǵasynyń aldaǵy saparynyń ekijaqty qarym-qatynastar deńgeıin jańa bıiktikke kóterýge jaǵdaı jasaıtynyna senim bildirdi.
