Joba 2017 jyly iske asyryla bastady. Búgingi tańda ondaǵy jumystar 90% aıaqtalǵan. Kelisim-sharttyń jalpy quny 9 223,8 mln teńgeni qurady. Atap aıtqanda, jer jumystarynyń 85% oryndaldy. Joldyń 34,6 myń sharshy metri aýmaǵynda negizdemeniń joǵarǵy qabaty, 32,1 myń sharshy metrinde negizdemeniń tómengi qabaty tóseldi. «Taǵa» tıpindegi estakada qurylysynyń 78%, basty magıstral arqyly ótetin estakada qurylysynyń 35% aıaqtaldy. Sondaı-aq Aqsaı ózeni arqyly ótetin kópirdegi jumystar 90% oryndalsa, jaıaý júrginshilerge arnalǵan jerústi ótpeleriniń 30% salyndy.
Eske sala keteıik, joba aıasynda jol 10 jolaqqa keńeıtiledi. Dálirek aıtqanda, nysan qoǵamdyq, jergilikti jáne tranzıttik kólikter úshin 2 baǵytta 5 jolaqqa ulǵaıtylady. Jobanyń bas merdigeri – «Dáýlet-Dorstroı» JShS. Avtorlyq qadaǵalaýdy «AstanaStroıProektServıs-M» kompanııasy júzege asyrsa, ınjenerlik qyzmetti «IPS «Alıans» JShS atqarady. «Almaty- Bishkek» jolynyń 16-19 shaqyrymyn kúrdeli jóndeý Almatydan «Altyn Orda» bazaryna deıingi joldaǵy kólik keptelisi máselesin sheshýge múmkindik bermek.
Munymen qosa, «Asyl Arman» aýdanynda kóliktik jol aıyryǵynyń qurylysy bastalǵandyǵyn aıtý kerek. Konkýrstyń jalpy quny 2 097,7 mln teńgeni qurady. Búgingi tańda «DáýletDorStroı» jáne «Qostanaı joldary» kompanııalary jelilerdi qaıta qurý jáne shyǵarý jumystaryna daıyndalyp jatyr. Sonymen qatar estakadanyń eki tireginde burǵylaý jumystary júrgizilýde. Jalpy, joba aıasynda túrli deńgeıde «Qubyr» túrinde uzyndyǵy 550 metrdi quraıtyn 4 jolaqty qozǵalysty qamtamasyz etetin jol aıryǵy men jaıaý júrginshilerge arnalǵan 1 jerústi kópiriniń qurylysy qarastyrylǵan. Nysan 2021 jyldyń qańtarynda paıdalanýǵa beriledi dep josparlanǵan.
