Túrkistan qalasyn damytý jónindegi strategııalyq mindetter sheńberinde «Túrkistan» ÁKK» AQ oblys ortalyǵynyń servıstik jáne qonaqúı qyzmetteriniń naryǵyn zerttegen. Nátıjesinde bolashaqqa baǵyttalǵan joba retinde qalanyń tarıhı-mádenı ortalyǵyna ornalasatyn «býtık-otel» formatynda qonaq úı soǵylatyn boldy.
Jobany iske asyrý barysynda qonaqúı bıznesindegi halyqaralyq standarttardy basshylyqqa alý eskeriletini anyq. Qonaqúıde 66 bólme bolmaq. Búginde «býtık-otel» atalyp otyrǵan nysandy «BI Group» ınvestısııalyq-qurylys holdınginiń enshiles kompanııasy salady.
«Jyl saıyn sany artyp kele jatqan qajylyq maqsatta kelýshiler men týrıster legin eskersek, etnıkalyq stılde bezendiriletin býtık-qonaqúıi suranysqa ıe bolady jáne jańa Túrkistannyń sánine aınalady», deıdi «Túrkistan» ÁKK» AQ Infraqurylym men týrızmdi damytý departamentiniń dırektory Baıan Kaıýpova.
