Kópshiliktiń qoldarynda Qazaqstan men Ýkraınanyń jalaýlary, ánshige shyn peıilderimen usynǵysy keletin gúlderi men syılyqtary bar. Al ánshiniń janary «Daıdıdaý» áni segiz jyldan keıin Ýkraınaǵa oraldy!» degen jazýy bar úlken plakatqa tústi. Demek, kórermender Kıevtegi konsertti shynymen kútken eken.
Jankúıerler de Dımashty qazaq tilinde: «Dımash Qudaıbergen, Kıev qalasyna qosh keldińiz!» dep taza ári esh aksentsiz uranmen kútip aldy. olar, sonymen qatar ánshige óte sımvolıkalyq syılyq – getman kúshiniń nyshany bolyp tabylatyn zerli mata syılady.
– Sizdiń ánińiz ben daýysyńyz bizdiń júregimiz ben sanamyzdy eshqashan óshpeıtindeı jaýlap aldy. Bul kesteli mata sizdiń shyǵarmashylyǵyńyzdyń bizdiń júregimizdegi ornynyń belgisi bolyp qalsyn, – dedi jankúıerler Dımashqa qýanyshpen.
