«Búgingi álem turaqty emes. Jahandaǵy ahýal kún saıyn ózgerip jatyr. О́te qubylmaly jaǵdaıda ómir súrip kelemiz.
Kezinde qyrǵı-qabaq soǵys zamany ótken kezde barlyq saıasatkerler endi álemniń keleshegi jarqyn bolady, qoı ústine boztorǵaı jumyrtqalaǵan zaman keledi, qaqtyǵystar bolmaıdy dep aıtqan bolatyn. Degenmen, mundaı boljamdar burys bolyp shyqty.
Qazir adamzattyń bolashaǵy bulyńǵyr. Bizdiń elimiz de dúnıe júziniń bir bóligi. Bul ǵalamda Qazaqstan óz halqymyzdan basqa eshkimge keregi joq. Árıne, dostarymyz az emes. Biraq bizdiń búgingi tynysh ómirimizdi, tabystarymyzdy, turaqty tirshiligimizdi kóre almaıtyn jaýlar da jetkilikti.
Ony eshqashan esten shyǵarmaýymyz kerek. Bizdiń bolashaǵymyz – bizdiń ǵana qolymyzda» dep jazdy el Prezıdenti.
