2018 jyldyń qorytyndysy boıynsha salyq tóleýshiler jalpy somasy 4,5 trln teńge salyqtan bosatylǵan. О́tken jyldyń qorytyndysy boıynsha da osyndaı mólsherde salyqtyq jeńildikter qarastyrylǵany belgili. Bıylǵy jyldan bastap arnaıy salyq rejımi boıynsha esep aıyrysatyn mıkro jáne shaǵyn kásipkerlik sýbektileri 3 jylǵa salyq tóleýden bosatyldy. Bul sýbektilerdi tekserýge moratorıı jarııalandy.
Buǵan qosa elimizde tótenshe jaǵdaıdyń engizilýine baılanysty, qarym-qatynasty azaıtý úshin zańdy jáne jeke tulǵalarǵa deklarasııa tapsyrý merzimi tótenshe jaǵdaıdyń ýaqytyna sáıkes kelgendikten, ony 30 kúntizbelik kúnge keıinge shegerý týraly sheshim qabyldanyp otyr.
Sondaı-aq Salyq kodeksinde tótenshe jaǵdaı kezinde qaryz keıinge shegerilse, oǵan ósimpul eseptelmeıdi. Alaıda ondaı jeńildikti alý úshin azamattarǵa kepilzat nemese banktik kepildik qajet. Osyǵan oraı tótenshe jaǵdaı kezinde salyqtyq mindettemeler boıynsha qaryz ben ósimpuldy keıinge shegerýdi ońtaılandyratyn tetikter qarastyrylýda.
Jaýapty mamandar tótenshe jaǵdaı kezinde qameraldy baqylaý qorytyndysy boıynsha habarlamalar jiberý toqtatylatynyn málimdedi. Nysandarǵa baryp, kedendik jáne salyqtyq tekserister júrgizý azaıtylady. Ákimshilik jaýapkershilikke tartý máselesi tótenshe jaǵdaı merzimi aıaqtalǵannan keıin qarastyrylady. Budan ózge qoldaý kórsetý sharalary qolǵa alynbaq. Jumys berýshiler naýryz aıynda tólegen jalaqynyń salyǵyn 25 sáýirge deıin tóleýi kerek.
Al eger eńbekaqy eseptelmegen nemese tólenbegen bolsa, salyqtyq mindettemeler qarastyrylmaıdy.
