Arnaýly áleýmettik qyzmetter usynatyn ortalyqtarda stasıonar jaǵdaıynda 6 nysanda karantın jarııalandy, jartylaı stasıonar jaǵdaıynda – ortalyqtar demalysqa jiberildi.
«Budan ózge «Baqytty otbasy», «Belsendi uzaq ómir» ortalyqtarynyń jumysy toqtatyldy. Qyzmetkerlerdiń jalaqysy saqtalady, ortalyqtardyń jumysy qashyqtyqtan júrgiziledi», – dedi Danııar Álkebaıuly.
Áleýmettik ál-aýqat basqarmasynyń vedomstvolyq baǵynyshty uıymdary – halyqty jumyspen qamtý ortalyǵy men Basqarmanyń aýdandyq bólimderi shtattyq rejımde jumysyn jalǵastyrýda. Bul rette, uıymdarda sanıtarlyq baqylaý sharalary, sanıtarlyq erejelerge sáıkes epıdemııaǵa qarsy is- sharalar qamtamasyz etilgen.
Sonymen qatar D.Álkebaıuly, halyqty jumyspen qamtamasyz etý úshin «Eńbek» memlekettik baǵdarlamasynyń jumys isteıtinin, onda ýaqytsha jáne áleýmettik jumys oryndary, qoǵamdyq jumys jáne jastar tájirıbesi qarastyrylǵandyǵyn, bólinetin kvotalar sanynyń kóbeıip jatqanyn atap ótti.
Basqarma basshysynyń orynbasary sózin qorytyndylaı kelip, halyqty jumyspen qamtýǵa járdemdesý sharalary qamtamasyz etiletindigin, sondaı-aq qyzmetkerlerdiń bosaýyna jáne olardy jumysqa ornalastyrý boıynsha ýaqtyly sharalar qabyldaýǵa baqylaý júrgiziletinin atap ótti.
