Qadaǵalaý vedomstvosynyń jetekshisi Prezıdentke Tótenshe jaǵdaı kezinde elimizdegi quqyqtyq tártipti saqtaý úshin qabyldanǵan sharalar týraly baıandady.
Qasym-Jomart Toqaevqa Bas prokýratýradaǵy jáne jergilikti jerlerdegi is-qımyldar men sheshimderge der kezinde quqyqtyq baǵa berý úshin shuǵyl áreket etý shtabtary qurylǵany jaıynda málimet berildi.
Ǵızat Nurdáýletov jekelegen medısınalyq qural-jabdyqtardy qoldan qymbattatýǵa jol bermeý, jalǵan jáne arandatýshylyq aqparattardyń taralýyna qarsy kúresý maqsatynda, sondaı-aq, Tótenshe jaǵdaı rejıminiń buzylýyna qatysty quqyq qorǵaý organdarynyń qabyldaıtyn sharalary týraly aıtty.
Qazaqstan Prezıdenti azamattardyń quqyqtary men qoǵam múddesin saqtaýdyń, ýaqytsha shekteý sharalary kezinde zańdylyqty qamtamasyz etýdiń mańyzdylyǵyna basa mán berdi.
