Jolserikterdiń osy jaman ádetterin áshkereleý maqsatymen Qyzyljardaǵy korrýpsııaǵa qarsy kúresetin «Qyzyljar - adaldyq alańy» («Antıkor» ortalyǵy) tobynyń músheleri jolserikterdiń sýyqqoldyǵyn tekserýmen aınalysyp kórdi. Sóıtse, Qyzyljardan Kókshetaýǵa deıin de, tipti Almatyǵa deıin de bıletsiz ala ketýge yqylas bildirgen jolserikter bar bolyp shyqqan. Bular jol aqysyn bılettiń qunynan kem alatynyn aıtyp, «jolaýshyny» qyzyqtyra túsken.
«Biz mundaı jolserikterdi Almatyǵa deıin júretin №706 júrdek poıyzdan da, Qyzylordaǵa deıin baratyn №076 poıyzdarynan da taptyq» deıdi áshkereý jobasynyń basshysy Amangeldi Satanov.
Tekseris nátıjelerin arnaýly qyzmetterge jetkizgende kólik baqylaý ınspeksııasy bóliminiń basshysy Manarbek Ybyraev ózderiniń bıletsiz jolaýshyny almaýǵa qarsy únemi kúres júrgizetinin aıtyp baqty.
«Ústimizdegi jyldyń eki aıynda ǵana biz «Adal jol» jobasyn iske asyryp, 17 poıyzdy tekserip, 15 bıletsiz jolaýshyny anyqtadyq. Olardy alǵan jolserikterge 11 ákimshilik hattama toltyrylyp, aıyppulmen jazalandy. Aıyppuldyń jalpy kólemi 84 myń teńgeden asty» dedi ol.
Bıletsiz júretinderdi ustaýdyń ózektiligi koronavırýsqa qarsy kúres barysynda osylaısha artyp tur.
PETROPAVL
