Jýyrda oblystyń polıseıleri terrorızmniń nysany bolatyn kópshilik oryndaryn, sonyń ishinde saýda men oqý oryndarynyń saqtyǵyn teksergen edi. Jyl basynan bergi bul 70-shi tekseris. Sońǵyda sonyń tórteýinde saldyr-salaqtyq tabylyp, basshylaryna jaýapkershilik júkteldi. Máselen, bir oqý orny beınebaqylaýmen tolyq qamtylmaǵan. Al beınejazýlardy saqtaý merzimi erejege qaıshy eki ese qysqartylǵan. Qyzmetkerler de terrorıstik shabýyl jasalǵan kezde ne isteý kerektiginen habarsyz. «Mundaıdy árbir qyzmetker jatqa bilýge tıisti. Eger jarylys zaty qoıyldy degen habar tússe qabyldaǵan adam ony aıaǵyna deıin tyńdaýy jáne sózderi men daýysy kóbirek jazylyp qalý úshin anyqtama suraqtar berýleri kerek», - deıdi ekstremızmge qarsy kúres basqarmasynyń bastyǵy Spartak Qabdenov. Terrorızmge qarsy kúres erejesiniń talaptaryn oryndamaǵan mekemelerdiń basshylaryna 100 AEK kóleminde aıyppul salynýy múmkin. Petropavl qalasynda terrorıstik shabýylǵa ushyraýy múmkin dep sanalatyn barlyǵy 600-deı nysan bar. Osylardyń báriniń de saqtyǵy tekserilip otyrady.
PETROPAVL
