Kelesi maýsymnan bastap Túrkistandaǵy jylý júıesinde qatty otynnan suıyq otynǵa kóshý joldary qaralýda. Bul oraıda gazben jylytylatyn 3 qazandyq bolady. Osylaısha qalanyń ekologııalyq ahýaly jaqsara túspek. Bul jóninde túngi reıd barysynda qala ákimi Rashıd Aıýpov málim etti. Aldymen qoǵamdyq kólikterdegi zalalsyzdandyrý jumystarynyń talapqa saı júrgizilip jatqandyǵyn baqylap, olarǵa ornatylǵan GPS qurylǵylarynyń jumysyn kórgen qala ákimi temirjol vokzalynda boldy. Vokzal aýmaǵyndaǵy alleıanyń qurylys jumystary jýyq arada jumystar aıaqtalyp, paıdalanýǵa beriledi. Sonymen qatar, atalǵan oryndarda COVID-19 indeti taralýynyń aldyn alý sharalary da jiti tekserildi. Zalalsyzdandyrý, tazalyq saqtaý, antıseptıkter men medısınalyq betperdelerdiń ondaı oryndarda bolýy qajettigi aıtyldy. Reıd barysynda dúken, toıhana, kafelerdiń ýaqytyly jabylýyn qadaǵalaý barysynda bir dúkenniń jumys jasap jatqandyǵy belgili bolyp, polısııa tarapynan eskertý berildi.
Túrkistan oblysy
