Úkimet • 21 Naýryz, 2020

A. Mamın Reseı, О́zbekstan, Qyrǵyzstan jáne Tájikstannyń úkimet basshylarymen telefon arqyly sóılesti

170 ret

kórsetildi

1 mın

oqý úshin

Premer-Mınıstr Asqar Mamın Reseı Federasııasy Úkimetiniń Tóraǵasy Mıhaıl Mıshýstınmen, О́zbekstan Respýblıkasynyń Premer-Mınıstri Abdýlla Arıpovpen, Qyrǵyzstan Respýblıkasynyń Premer-Mınıstri Mýhammedkalyı Abylgazıevpen jáne Tájikstan Respýblıkasynyń Premer-Mınıstri Kohır Rasýlzodamen telefon arqyly sóılesti.

Egemen Qazaqstan

A. Mamın Reseı, О́zbekstan, Qyrǵyzstan jáne Tájikstannyń úkimet basshylarymen telefon arqyly sóılesti

Úkimet basshylary koronavırýstyń taralýymen kúresýdegi jáne halyqty COVID-19-dan qorǵaýdaǵy ózara is-qımyl, sonyń ishinde azamattardy otanyna qaıtarý máselelerin talqylady.

Shetel azamattarynyń kirip-shyǵýy boıynsha Qazaqstan men Reseıde áreket etip turǵan shekteýlerge baılanysty Premer-Mınıstr A. Mamın RF Úkimetiniń Tóraǵasy M. Mıshýstınge QR men RF aýmaǵy arqyly eline tranzıtpen qaıtatyn qazaqstandyqtar men reseılikter úshin erekshe ózara rejım ashýdy usyndy.

О́zbekstan Premer-Mınıstri A. Arıpovpen, Qyrǵyzstan Premer-Mınıstri M. Abylgazıevpen jáne Tájikstan Premer-Mınıstri K. Rasýlzodamen ótken kelissózderde vegetasııalyq kezeńdegi sý-energetıka salasyndaǵy yntymaqtastyqtyń, sondaı-aq tótenshe jaǵdaı rejımi kezinde QR memlekettik shekarasy arqyly júk tasymalyn qamtamasyz etýdiń ózekti máseleleri talqylandy.