Kıevtiń «Dınamo» komandasynyń jankúıerleri Ýkraınaǵa oralǵasyn, óz tvıtterlerine «Joljazba zametkalaryn» ornalastyryp, onda bizdiń elimiz týraly óte jaqsy baǵalar beripti.
«Meniń Qazaqstanǵa taǵy da barǵym kele me? Nege barmasqa?! Ondaǵy sapardan jaqsy áserler qaldy – adamdary meıirban eken, fýtboldy jaqsy túsinedi, barynsha qyzý jankúıerlik etedi, al keıbir shekisýlerdi jaqshanyń ishine qystyryp qoıa salýǵa bolady», - dep jazady «Dınamomanııa».
Eske túsire keteıik, Aqtóbede «Aqtóbe» men Kıevtiń «Dınamosy» arasyndaǵy oıyn 3:2 esebimen ýkraın fýtbolshylarynyń paıdasyna sheshildi.
Damır Qojamqul.
