Koronavırýs • 23 Naýryz, 2020

Vırýs balaǵa da qaýipti

124 ret kórsetildi

Koronovırýsqa baılanysty úzdiksiz zertteý júrgizip jatqan ǵalymdar búginge deıin vırýs balalar úshin onsha qaýipti emes ekenin, aýrý kóbine jeńil túrde ótetinin aıtqan bolatyn. Alaıda sońǵy zertteýler bul boljamdy joqqa shyǵaryp otyr.

Vırýs juqtyrǵandardy aýrý deńgeıi men jasyna baılanysty iriktegen ǵalymdar balalarǵa da vırýs  aýyr tıgen jaǵdaılar az kezdespegenin aıtady.

Mamandar koronavırýs juqtyrǵan jáne juqtyrýy múmkin degen 2143 bala týraly málimetterdi sarapqa salǵan. Bul maǵlumattar Qytaıdyń aýrýdy anyqtaý jáne onyń aldyn alý jónindegi ortalyǵynan alynǵan eken.

Saraptamanyń qorytyndysy boıynsha, olardyń tek úshten bir bóliginde, ıaǵnı tek 731 jetkinshekte vırýs bar ekeni dáleldengen. Aýyrǵandardyń jartysynda vırýstyń jeńil belgileri baıqalǵan.  Al 39 paıyzynda ókpeniń qabynýy anyqtalǵanymen entigý bolmaǵan. 

Biraq aýrýǵa shaldyqqan balalardyń 6 paıyzynda, ıaǵnı 125 balada syrqat aýyr jaǵdaıda ótken, aǵzalarynyń jumysy nasharlaǵan,  tipti bir bala aýyr asqynýdan keıin kóz jumǵan.

Degenmen de vırýs kóbine eresekterdi, sonyń ishinde egde adamdardy tóńirekteıdi. Balalarda aýrý kóbine jeńil ótkenimen aýyr asqynýlarǵa ákelgen jaǵdaılardy da joqqa shyǵarýǵa bolmaıdy. Sondyqtan úlkender jetkinshekterge jete kóńil bolyp, olardyń da tazalyq saqtaýyn, qoldy jıi sabyndap jýýyn qadaǵalap otyrǵan jón.

 

Qymbat TOQTAMURAT

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar