Aımaqtar • 25 Naýryz, 2020

Batys Qazaqstanda 8 meıramhana ıesi qamaýǵa alyndy

1564 ret

kórsetildi

1 mın

oqý úshin

Tótenshe jaǵdaılar kezindegi talaptardy oryndamaǵany úshin Batys Qazaqstan oblysynda 13 jeke kásipkerge ákimshilik is qozǵalyp, 8 adam qamaýǵa alyndy. Batys Qazaqstan oblystyq Polısııa departamenti baspasóz qyzmetiniń qamaýǵa alynǵandardyń barlyǵy da meıramhana ıeleri.

Qazbek QUTTYMURATULY

Batys Qazaqstanda 8 meıramhana ıesi qamaýǵa alyndy

- Tótenshe jaǵdaı tártibin buzǵan kásipkerlerdi Qazaqstan Respýblıkasynyń Ákimshilik quqyq buzýshylyq týraly Kodeksiniń 425, 430, 476, 478 baptary jáne 462 baptyń 3 tarmaǵy boıynsha jaýapkershilikke tartýǵa bolady, bul tizbe túpkilikti emes, - deıdi Batys Qazaqstan oblystyq Polısııa departamenti baspasóz qyzmetiniń jetekshisi Bolatbek Belgibekov.

Búginge deıin jaýapkershilikke tartylǵan 13 jeke kásipkerdiń bárine de 476 bap – «Tótenshe jaǵdaı rejımin buzý» aıyby taǵylǵan. Olardyń úsheýine aıyppul salynsa, 8-i qamaýǵa alynǵan. Taǵy eki kásipkerdiń isi sotta qaralyp jatyr.

Aıta keteıik, tótenshe jaǵdaı rejımine baılanysty kópshilik oryndar, kafe-meıramhanalar túngi 22.00. saǵattan keıin qyzmet kórsetýin toqtatýy tıis. Bul talaptyń saqtalýyn quqyq qorǵaý qyzmetkerlerimen qatar eriktiler de arnaıy reıdterge shyǵyp baqylaýda.

Batys Qazaqstan