«Bulaq kórseń, kózin ash» dep danagóı babalarymyz ósıet etkendeı, bizdiń elimizde ilim-bilimge umtylǵan jastarǵa keń qoldaý kórsetilip keledi. Árıne, ár oqýshynyń bilim deńgeıi UBT synaǵy kezinde belgili bolady. Bıylǵy UBT qorytyndysymen Atyraý qalasyndaǵy aǵylshyn tilin tereńdetip oqytatyn tehnıkalyq gımnazııanyń úsh túlegi – Samal Qumarova, Nurjan Qamzaev jáne Aqbóken Sahtanov on bir jyl boıy jınaǵan biliminiń nátıjesinde eń joǵary kórsetkish – 125 ballǵa ıe boldy. Osy oqý ordasynyń jáne bir túlegi – Aınash Áýbekerova bilim synaǵynan 124 balldyq kórsetkishke qol jetkizip, ustazdarynyń senimin aqtady.
BILIMDI JASTYŃ JÚZI JARQYN
«Bulaq kórseń, kózin ash» dep danagóı babalarymyz ósıet etkendeı, bizdiń elimizde ilim-bilimge umtylǵan jastarǵa keń qoldaý kórsetilip keledi. Árıne, ár oqýshynyń bilim deńgeıi UBT synaǵy kezinde belgili bolady. Bıylǵy UBT qorytyndysymen Atyraý qalasyndaǵy aǵylshyn tilin tereńdetip oqytatyn tehnıkalyq gımnazııanyń úsh túlegi – Samal Qumarova, Nurjan Qamzaev jáne Aqbóken Sahtanov on bir jyl boıy jınaǵan biliminiń nátıjesinde eń joǵary kórsetkish – 125 ballǵa ıe boldy. Osy oqý ordasynyń jáne bir túlegi – Aınash Áýbekerova bilim synaǵynan 124 balldyq kórsetkishke qol jetkizip, ustazdarynyń senimin aqtady.
UBT synaǵynyń bıik shyńyn baǵyndyrǵan úsh túlektiń talpynysy barsha qazaqty úlken abyroıǵa bóledi. Olardyń ilim-bilimniń kókjıegine qol sozǵan talpynysyna oblys ákimi Baqtyqoja Izmuhambetov qoldaý kórsetip, árqaısysyna 1 mıllıon teńgeden qarjylaı syı jasady. О́z qatarlastarynan bilimimen oq boıy ozyp shyqqan túlektiń ustazdary da úlken qurmetke bólendi. Jalpy, óńir basshylyǵy tarapynan kórsetiletin qoldaýdan alys aýyldardaǵy mektep oqýshylary da tys qalyp otyrǵan joq.
Burynǵydaı emes, alys aýyldarda da mektepter jańardy, osy zamanǵy qural-jabdyqtarmen qamtylýda. Soǵan oraı muǵalimderdiń de biliktiligin arttyrýyna múmkindik molaıdy. Al bul oqýshylardyń sapaly bilim alyp, erkin elimizdiń bilimdi, bilikti tulǵasy retinde qalyptasýyna ıgi yqpalyn tıgizeri daýsyz. Jaqyn arada Atyraý oblysynda taǵy da birneshe jańa mektep ashylǵaly otyr. Sonymen birge, Nazarbaev Zııatkerlik mektebi de oqýshylardy qabyldaı bastamaq.
Berikqalı SÁRSENǴALIEV,
Atyraý oblystyq bilim basqarmasynyń basshysy.
QÝANYShYMYZ ShEKSIZ
«Adamnyń bir qyzyǵy bala degen» dep danyshpan Abaı atamyz aıtqandaı, adamǵa perzent súıýden, onyń ómirden óz ornyn tabýyna yqpal etýden artyq baqyt bola ma. Biz de joldasym Aqtorǵyn ekeýmiz Mırasbegimiz týǵanda sondaı qýanyshty bastan keshtik. Ýaqyt degen qandaı shapshań. Sóıtip, otbasymyzdyń kóz qýanyshyna aınalǵan tuńǵyshymyz da mektepke barý jasyna kelip qaldy. Jazdaı Idıatýlla atasy men Gúlmáıram ájesiniń qoldarynda tárbıelenip, sol jaqta oqyǵysy da kelgen-di. Alaıda, Aqtóbe qalasyndaǵy №24 lıngvıstıkalyq mektep-gımnazııasynda oqysyn dep sheshtik.
Balanyń mektepke barýynyń ózi naǵyz qýanysh qoı. Kezinde biz osy kúndi asyǵa kútetinbiz. Partalary, taqtalary syrlanǵan klasqa alǵash ret enýdiń áserin aıtsańshy. Shyttaı jańa kıimmen, sómkeńdi qushaqtap, óziń qatarly balalarmen bir topta bolý qandaı ǵanıbet deseńshi. Biz de Mırasbegimizge oqý quraldaryn, kıimderin alyp berip, mektepke barýǵa daıyndap, qýanttyq. Oqýǵa talaby zor. Onyń ústine balabaqshada bolǵandyqtan árip tanyp, sanaýdy úırendi. Ol baratyn mektep úıge jaqyn, kólik qozǵalysy azdaý jerde ornalasqan. Mekteptiń jańa oqý jylyna daıyndyǵy da óz deńgeıinde. Klastaǵy jıhazdar, ádistemelik oqý quraldary talapqa saı. Bir sózben aıtqanda, úlken ulymyzdyń alǵash mektep tabaldyryǵyn attaýyn asyǵa kútýdemiz. Mindetti túrde alǵashqy qońyraýyna qatysyp, klasyna kirgizip, partasyna otyrǵyzamyz. Bilimniń negizi bastaýyshta qalanady. Sondyqtan oqýyn qadaǵalap, úıretip otyrý da ata-analyq mindetimiz. Bolashaqta alatyn bilimi eliniń azamaty bolýynyń alǵysharty dep bilemiz. Alda kele jatqan Bilim kúni merekesimen ustazdardy, ata-analardy quttyqtaımyn.
Nurjan QIIаSOV,
«QR Statıstıka agenttigi AEO» ShJQ RMK-nyń
Aqtóbe oblysy boıynsha fılıalynyń dırektory.
Aqtóbe.
KО́
