«Sońǵy táýlikte Jambyl oblysynda taǵy eki adam tirkeldi. Jalpy tirkelgen úsh oqıǵanyń bir-birine eshqandaı baılanysy joq. Bul azamattar ártúrli jaǵdaıda vırýs juqtyrǵan. Biraq barlyǵy da Qyrǵyzstannan kelgen. Birinshi azamat 1974 jyly týǵan Qordaı aýdanynyń turǵyny. Ol Qyrǵyzstan Respýblıkasynda bolǵan. Shekaradan ótken ýaqytta belgilengen algorıtmge sáıkes bir kúndik karantınge oqshaýlanyp, zertteýler jasaldy. Zertteý nátıjesi boıynsha oń nátıje shyqty. Bul naýqaspen tyǵyz qarym-qatynasta bolǵan adamdar anyqtaldy. Búgingi tańda olardyń barlyǵy oqshaýlandy. Karantınge stasıonarǵa jatqyzylǵan», dedi Marat Jumanqulov.
Sondaı-aq ol ekinshi naýqas ta Qordaı aýdanynyń turǵyny ekenin aıtty.
«Ekinshi naýqas ta Qordaı aýdanynyń turǵyny. Bul azamat ta Qyrǵyzstannan kelgen. Belgilengen algorıtm boıynsha tıisti jumystar atqaryldy. Bul naýqaspen tyǵyz qarym-qatynasta bolǵan adamdar anyqtaldy. Búgingi tańda olardyń barlyǵy oqshaýlandy. Karantınge stasıonarǵa jatqyzylǵan», dedi ol.
Onyń aıtýynsha, búgingi tańda indet juqtyrǵan azamattardyń densaýlyq jaǵdaıy birqalypty. Densaýlyqtaryna eshqandaı shaǵym joq. Bekitilgen klınıkalyq-dıagnostıkalyq protokolǵa sáıkes em qabyldaýda. Oqshaýlanǵan azamattardyń da jaǵdaılary qanaǵattanarlyq, densaýlyqtaryna shaǵym joq.
