Aımaqtar • 27 Naýryz, 2020

Ot qarýmen oınaýǵa bolmaıdy

28 ret kórsetildi

Barlyq qyzmettik jáne azamattardyń otty qarýyn ustaýyn baqylaý polısııa qyzmetiniń quzyretinde. Eger qarýdy ustaý, tasymaldaý, saqtaý jáne satý jumystarynda belgilengen tártip buzylatyn bolsa ıesine eskertý jasalady, al eger bul jaǵdaı qaıtalanatyn bolsa qarý tárkilenýi de múmkin.

Jyl basynan beri Soltústik Qazaqstan polısııasynyń osy qyzmetti atqaratyn bólinisi 260 buzýshylyq tapty. Qarý-jaraq ıesine keńes berý isi boıynsha memlekettik qyzmet  «E-lısenzırovanıe» derekter bazasy arqyly beriledi. Búgingi tańda 1279 memlekettik qyzmet kórsetilgen.

Biraq qarý saqtaýdaǵy buzýshylyqtar da azaıar emes. Petropavl qalasynyń 60 jastaǵy bir turǵynynda 3 túrli qarý bolǵan. Qarýdy saqtaý jónindegi tártipke sáıkes myltyq saqtalǵan orynda elektrlik jáne avtonomdy nár alatyn eki dabyl bolýy kerek. Bul azamatta elektrli dabyl iske qosylmaǵan. Sol úshin hattama toltyrylyp, úsh qarýy da tárkilengen. Biraq aıyppulyn tólep, saqtaý ornyn qalypqa keltirse qarýlary qaıtarylady. Tekseris  barysynda belgili bolǵan osyndaı mysaldardy kóptep keltirýge bolady. «Jyl basynan bergi tekserister barysynda belgili bolǵan 260 buzýshylyqtyń 177 qarýdy satyp alý, saqtaý jáne tasymaldaý isterinde anyqtaldy. Al 69 buzýshylyq azamattyq jáne qyzmettik qarýdy tirkeýde jiberilgen tártip buzýshylyqtar, al 14 jaǵdaıda qarýdy zańsyz satyp alýshylyq pen satýlarǵa jol berilgendik boldy,» - deıdi oblystyq PD Ákimshilik polısııa basqarmasynyń bastyǵy, podpolkovnık Jasulan Ospanov.

PETROPAVL

Sońǵy jańalyqtar

Qaı salada jalaqy ósti?

Ekonomıka • Keshe

Reseı azamattary alǵys aıtty

Aımaqtar • 26 Aqpan, 2021

Jambyl Jabaevtyń 175 jyldyq mereıtoıy bastaldy

Fotogalereıa • 26 Aqpan, 2021

Fýtzal: Belarýske qarsy oınaımyz

Sport • 26 Aqpan, 2021

Uqsas jańalyqtar