Mysaly, jastardyń úzdiksiz damýyn ári bos ýaqytyn tıimdi paıdalanyp, qashyqtan oqýǵa daǵdy qalyptastyrý maqsatynda jáne kez kelgen jaǵdaıdyń múmkindigi mol ekenin úıretetin úzdik jobalar usynylyp otyr. Naqtyraq aıtsaq, áleýmettik jeli arqyly «Jastar online», «Naýryz, naýryz kún ıgi» atty kórkemsóz oqý vıdeo - baıqaýy jáne jańa formatta qashyqtan oqytatyn «Qoljetimdi aǵylshyn» jobasy iske qosyldy. Qazirgi tańda aǵylshyn tilin tegin ári tereń meńgerý úshin 200-ge jýyq jas tirkelgen jáne bul baǵyttaǵy ister áli de jalǵasýda. Iаǵnı Qoǵamdyq damý basqarmasyna qarasty «Jastar resýrstyq ortalyǵy» qolǵa alǵan jobanyń aıasynda jastar aǵylshyn tilin qashyqtan tegin úırenetin bolady. Sondaı-aq, elektrondy oqýlyq platformasy arqyly «UBT-ǵa daıyndyq boıynsha sheberlik kýrsy» bastaldy. Kýrsqa tegin qatysyp, úzdik ustazdardan dáris alýǵa bolady. Nıet bildirgen ustazdar úshin de onlaın rejımde sabaq berý múmkindikteri qarastyrylýda. Aldaǵy ýaqytta «Túrkistan oblysy jastary oqýy qajet 100 kitap» elektrondy oqýlyq bazasy, A. Qunanbaevtyń 175 jyldyǵyna arnalǵan óleń, qara sózderdiń maǵynasyn erekshe jáne aýqymdy taldaý boıynsha «Abaı oqýlary» jáne «Túrkistanym – maqtanyshym!» atty jas aqyndardyń oblystyq onlaın - baıqaýy jáne basqa da utymdy jobalar júzege asyrylady.
Túrkistan oblysy
