Al búgin indet juqtyrǵan ekinshi adam jaǵdaıy men indet oshaǵy jaıly tolyq málimetti oblys dárigerleri resmı málimdeme jasaǵannan keıin taratatyn bolamyz.
Aıtpaqshy, koronavırýstan Nur-Sultan qalasynda qaıtys Aqmola oblysynyń turǵynymen qarym-qatynasta bolǵan adamdar Almaty oblysynan da tabyldy. Buǵan deıin marqumnyń Almaty qalasy men Jambyl oblysynyń Shý aýdany aýmaǵynda bolǵany jarııalanǵan edi. Al oblys turǵyndary indet juqtyryp qaıtys bolǵan áıelmen Almaty qalasyndaǵy qudalyq kezinde jaqyn baılanysta bolǵan eken.
- Oblystyń arnaıy mamandary tekserý júrgizip, marqum áıelmen aralas-quralas bolǵan 7 adamdy anyqtady. Bul adamdar Almaty oblysynyń aýmaǵynda turady. Qazir olardyń barlyǵy oqshaýlanyp, tıisti qan synamasy alyndy. Keshe tórt adamnyń tekserý nátıjesi daıyn boldy. Turǵyndardyń qan quramynan vırýs belgisi tabylǵan joq. Degenmen, olar áli de dárigerlerdiń baqylaýyna alynyp, karantınde bolady. Sondaı-aq, kúdik týdyrǵan taǵy bes adamnyń analızderi tekserilip jatyr. Nátıjesin qosymsha habarlaımyz, - dedi Almaty oblysy ákiminiń baspasóz hatshysy Ǵalymyurat Júkel.
Almaty oblysy
