BALALARǴA MEIIR TО́GIP, BAL SYILAP...

Sara Nazarbaeva balalardyń úlken dosy ekendigi belgili. Jyl saıyn Sara Alpys­qyzynyń bastamasymen medı­sı­na­lyq mekemelerde emdelip jat­qan ókpe jáne qaterli isik aýrý­larymen aýyratyn jetkin­shekter, sondaı-aq jetim jáne ata-ana qamqor­lyǵynan tys qalǵan ba­la­lar shıpaly bal alyp turady. Bul — balǵyn aǵzanyń jan-jaqty je­tilýi jáne den­saýlyqty jaq­sartý úshin óte-móte qajet nárse. Bıyl respýblıkadaǵy 228 me­dısınalyq hám áleýmettik meke­melerdegi 17329 balaǵa 10 myń kılogramm bal bólinip otyr. Demek, árbir balaǵa shaqqanda 577 gramnan keledi degen sóz. Balalarǵa bal syılaý qurme­tine “LEÝ fırmasy” JShS de­meýshilik kompanııasy ıe boldy. Shıpaly ónim Ulttyq saraptama jáne sertıfıkattaý ortalyǵynda tekseristen ótkizilip, “taza bal” sanatyndaǵy joǵary baǵaǵa ábden sáıkestigi atap kórsetildi. Osynaý biregeı tabıǵı bal aǵzanyń túrli aý­rýlarmen kúresýine kómek­te­se­tin, zat almasýdy jaqsartyp, ómir­lik sergektikti arttyratyn dá­rýmender men mıkroelement­terge asa baı. Almaty qalasyndaǵy shıpa­jaı­larda, ǵylymı ortalyqtarda, aýrýhanalarda, shıpajaı úlgisin­de­gi mektepke deıingi mekeme­ler­de, balalar úıleri men mektep-ın­ternattarda, Úmit úıinde, SOS ba­la­lar aýylynda, barlyǵy 23 me­dısınalyq balalar mekeme­sinde qazirgi ýaqytta 2493 bala tárbıe­lenýde jáne emdelýde. Olarǵa 1500 kılogramǵa jýyq shıpaly bal aparyp berildi. Baldyń ta­sy­maldanyp tabys etilýin Almaty qalasynyń bala­lar quqyqtaryn qorǵaý jónin­degi departamenti uıymdastyr­ǵanyn aıtqan jón. Atalmysh departament Qazaq memlekettik sırkimen tyǵyz baı­lanys jasaıdy. О́ner ıeleri ár­túrli qaıyrymdylyq sharalaryn uıymdastyrý jónindegi ótinish­ter­ge árdaıym yqylaspen qulaq asady. Aıtalyq, kúni keshe óziniń gematologııa bólimshelerinde 73 bala emdeýden ótip jatqan res­pýb­lıkalyq Balalar aýrýlary ǵy­lymı-ortalyǵynda qaıyrym­dy­lyq sharasy ótti. Sırktiń bir top ártisteri jas jetkinshekterge kó­ńildi oıyn-saýyq qoıyp berdi. Qoıylym sońynda árbir bala Sara Alpysqyzynyń sálemdeme­sin – “Bóbek” belgisimen órnek­telgen plastıkti bal qorapsha­la­ryn syılyqqa aldy. Janashyr qamqorlyǵy men aqpeıildi yqylasy úshin oǵan balalar men ata-analar alǵys jaýdyrdy. Olardyń saýyǵyp ketýge degen úmitteri arta tústi. Qorǵanbek AMANJOL.