Osy aptada qaladaǵy saıabaqtardyń birinde sulap jatqan óli kógershinderge qatysty da osyndaı boljamdar aıtylǵan bolatyn. Al ákimdik bul boljamnyń eshqandaı negizsiz ekenin aıtyp, dezınfeksııalaý quraldarynyń adam men janýarlarǵa eshqandaı zııany joqtyǵyn alǵa tartty.
Kezekti vıdeoǵa qatysty túsinik bergen qalalyq Kásipkerlik pen ınvestısııalyq damý basqarmasynyń ókilderi de bul pikirmen kelispeıdi.
«Áleýmettik jelidegi aqparatqa sáıkes qalalyq Veterınarlyq qyzmet ókilderi men basqarmanyń veterınarlyq dárigeri jedel túrde oqıǵa ornyna bardy. Olar kelgende janýarlar oqıǵa ornynda bolmaǵan. Al kósheniń boıynda sý quıylǵan plastık konteınerler men tamaq salynǵan ydystar tabyldy. Jergilikti turǵyndardyń aıtýynsha, adamdar qańǵyp júrgen ıtterge tamaq bergen. Jaǵdaı taǵy da baqylanyp jatyr», - dedi basqarma ókilderi.
