Mysaly, sońǵy kúnderi «Nur Otan» partııasynyń músheleri, Túrkistan oblystyq máslıhat depýtattary Maǵaýııa Turysbekov («Jańa arna qurylys» JShS) pen Jańabaı Aǵabekov («Evro remont servıs») 1 mln. teńgeden kómektesse, depýtat Almas Salımov te («Alja-qurylys» JShS) 1 mln. teńgeni el ıgiligine bóldi. Jeke kásipker Talǵat Qarjaýov 1,2 mln. teńgege demeýshilik tanytty.
Al «Ordabasy qus» JShS-y dırektory, bastaýysh partııa uıymynyń tóraǵasy Murat Taǵaev 2800 keli kúrketaýyq eti ónimin qoldaýǵa muqtaj turǵyndarǵa taratpaq. «Memleket tarapynan qaýipti indetti taratpaý, turǵyndardyń ál-aýqatyn kóterý úshin aýqymdy jumys atqarylyp jatyr. Degenmen mundaı kezeńde árbir azamat qoldan kelgenshe elge kómektesýi kerek dep esepteımin. Biz bul qıyndyqty birlik pen tártip arqyly jeńemiz», deıdi Murat Taǵaev. Isker azamat kúrketaýyq etinen ázirlengen shujyq jáne ózge de ónimderdi partııalyq jobalar aıasynda áleýmettik az qamtylǵan turǵyndarǵa taratý úshin «Biz birgemiz!» aksııasynyń úılestirýshilerine usyndy. Jalpy ónimniń quny 2 mln teńge bolady. Partııa ókilderi men eriktiler, «jasotandyqtar» et ónimderin aýdan, qalalarda tizimdegi otbasylarǵa aparyp bermek.
Aıta ketelik, Ordabasy aýdany, Badam aýylynda ornalasqan «Ordabasy qus» JShS búginde elimizdiń birneshe óńirin kúrketaýyq etimen qamtyp otyr. О́nim kólemi de ulǵaıyp keledi. Qaıyrymdylyq aksııalaryna úles qosyp, demeýshiligimen tanylǵan Murat Taǵaevqa jurtshylyqtyń alǵysy mol.
