Ońtústik astanadaǵy «Jaqsylyq chellenji» naýqanyn ótkizýge Almaty qalasynyń Kásipkerler palatasy qoldaý bildirdi. Onyń barysynda barlyǵy 3120 qaıtalap qoldanýǵa bolatyn medısınalyq maskalar, 240 oramal, 713 medısınalyq halat jáne bas kıimder, 107 medısınalyq jáne 32 jup hırýrgııalyq tápishke, sondaı-aq zalalsyzdandyrý quraldary men jeke gıgıena taýarlary berildi.
Naýqandy bastaǵan almatylyq kompanııalar qatarynda «Semıramıda» tigin fırmasy» JShS, «ProfiModa» JShS, «KazSPO-N» JShS, «MIMIORIKI» JShS, «Endeavour» JShS, «ASKIM-TEX» JShS, «Kazlegprom Almaty» JShS, «Symbat sán akademııasy» JShS, «Bolashaq biryńǵaı úıi» JShS bar. Naýqanǵa Almaty, Aqtóbe, Shymkent, Qostanaı jáne Taldyqorǵan assosıasııasynyń múshe kompanııalary qosyldy. Aqtóbeden «Global-Spesodejda» JShS, Shymkentten – «Gaýhar» JShS, «Alateks» JShS, «Jibek» JShS, Shymkent qalasyndaǵy «Semıramıda» tigin fırmasy» JShS fılıaly, Qostanaıdan - «Bolshevıchka» JShS, Taldyqorǵannan «Ajar» JShS qosyldy. Qaýymdastyqtyń habarlaýynsha, bul tek naýqannyń bastamasy ǵana. Aldaǵy ýaqytta Qazaqstannyń basqa óńirleri de osy estafetany qabyldaıtyn bolady.
Jeńil ónerkásip kásiporyndary qaýymdastyǵy 1999 jyly Jeńil ónerkásip kásiporyndarynyń bastamasymen qurylǵan. Onyń quramyna toqyma, trıkotaj, tigin, bylǵary jáne teri jáne aıaq kıim óndirisi, sonymen qatar ónim sapasyn tekseretin zerthanalar, oqý oryndary jáne basqa da uıymdar kiredi. Qaýymdastyq quramynda 130-dan astam kompanııalar bar. Sondaı-aq, qaýymdastyq quramyna Qazaqstannyń úlpek saýda-ónerkásiptik qaýymdastyǵy jáne Qazaqstan bylǵary shıkizattary men teri óńdeýshiler qaýymdastyǵy kiredi. Búgingi tańda Qazaqstan Respýblıkasynyń ártúrli aımaqtarynda bes ókildik ashyldy.
ALMATY
