Atalaǵan uıym mamandary bakterııa juqtyrǵan bul toptaǵylardy profılaktıkalyq terapııamen qamtamasyz etý olardy aýrýdan qorǵap qana qoımaı, turǵyndar arasynda ınfeksııanyń taralý qaýpin azaıtady degen ustanymynan tanbaı otyr.
DDSU bıylǵy jyldy týberkýlezben kúres jyly retinde jarııalaı otyryp, qurt aýrýynyń álem halqyna qateriniń joǵary ekendigin eskertedi. Álemge COVID-19 vırýsynan qater tónip turǵan kezeńde týberkýlezben aýyrǵan adamdardyń bul vırýsqa qorǵanysh qyzmetiniń álsizdigin aıtyp dabyl qaǵýda. Atalǵan uıym derekterine súıensek, 2018 jyly 10 mıllıon adam týberkýlezge shaldyqsa, onyń 1,5 mıllıony osy dertten kóz jumǵan.
DDSU Bas dırektory Tedros Adhan Gebreıesýs álemdik qaýymdastyqtyń is-qımyly 2030 jylǵa deıin týberkýlezdi joıýǵa baǵyttalyp otyrǵanyn jetkizdi. Ol úshin qurt aýrýmen kúrestegi sharalar árbir adamǵa qoljetimdi bolýy qajet. Al COVID-19 vırýsy órship turǵan kezeńde týberkýlezge qarsy sharalardyń kúsheıtilýi ýaqyt kúttirmeıdi.
Búginde BUU-nyń týberkýlezge qarsy kúrestegi jetistikterine qaramastan, týberkýlezdiń hımııalyq profılaktıkasy máselelerine tıisti kóńil bólinbeı otyr. Sondyqtan da álemdik kóshbasshylar týberkýlezben aýyratyn 24 mıllıon adamǵa jáne AITV-men ómir súretin 6 mıllıon adamǵa profılaktıkalyq em júrgizýdiń mańyzdy másele ekendigin eskertedi.
ALMATY
