Taıaýda «Aqmola – adaldyq alańy» jobalyq keńesi men arnaıy monıtorıngtik top ókilderi «Esil» kásipkerlik korporasııasy» UK» AQ basqarmasynyń turaqtandyrý qoryn qalyptastyrý jumystarynyń jaı-kúıimen tanysty. Kóptegen aýyl sharýashylyǵy qurylymdarynyń ónimi saıabyrlap, saýda alańdary taryla bastaǵan tusta turaqtandyrý qorynyń eleýli septigi bar. Oblys jurtshylyǵy azyq-túlikten taryǵa qoımaıdy.
Búgingi kúni turaqtandyrý qorynda 12 tonna kúrish, 15 tonna jarma, 1,5 tonna ósimdik maıy, 3,4 tonna sary maı, 1825 tonna birinshi sortty un bar. Aldaǵy ýaqytta qaýipsizdik jaıyn qaýzaǵan qor taǵy 68 tonna kúrish, 42 tonna ósimdik maıymen tolyqtyrylmaqshy. Oǵan qosa, 2 vagon qant, qaraqumyq jarmasy, kúrish, jumyrtqa jáne «Kókshetaý sút zaýyty» seriktestiginiń sút ónimderin satyp alý josparlanyp otyr eken.
