Bárińiz biletindeı, 6 sáýirden bastap orta bilim berý uıymdary qashyqtan oqytýdy bastaıdy. Osyǵan oraı mınıstrlikte sıtýasııalyq ortalyq quryldy.
– Atalǵan ortalyq mektepterdegi ǵana emes, buǵan deıin qashyqtan bilim berýge kóshken kolledjder men joǵary oqý oryndaryndaǵy jaǵdaıdy kún saıyn jiti baqylap otyrady. О́ıtkeni biz úshin qashyqtan oqytýdyń qalaı júrgizilgeni ǵana emes, bilim berýdiń sapasy de asa mańyzdy, – dedi mınıstr.
A.Aımaǵambetovtyń aıtýynsha, ár oblystyq bilim basqarmasy men aýdan, qalalyq bilim bólimderi janynda ádistemelik kómek kórsetetin call-ortalyqtary jumysyn bastaıdy. Mınıstrlikte de 14-50 qysqa nómiri boıynsha call-ortalyq bar.
– Mınıstrlikte qurylǵan call-ortalyq 5 mln-ǵa jýyq bilim alýshylarymyzdiń (stýdentter, oqýshylar) kókeıindegi týyndaǵan suraqtaryna jaýap berýdi mindetine alady, – dedi spıker.
