Seksenniń seńgirine shyqqan Norman Pollard qaterli isiktiń sońǵy satysymen aýyryp, 84 jastaǵy áıeli Rene Fordtan oqshaýlanǵan eken. Sirá, ómir súrýime az ýaqyt qaldy dep oılady ma, qosaǵyna hat jazyp qaldyrýdy uıǵarypty.
«Qanshalyqty uzaq ómir súretinimdi bilmeımin, - dep jazady qarııa. - Vırýs meniń jaǵdaıymdy nasharlatady. Oǵan bul hatty berý men úshin óte mańyzdy boldy».
Pollard Renege hatty aparyp tastaýǵa nıet bildirgen eriktimen áńgime barysynda jary úshin ýaıymdaıtynyn sóz etken.
«Men joq bolyp ketken kezde ony qatty saǵynatyn bolamyn. Munda mensiz qalaı kún keshetini alańdatady. Ol - meniń ómirlik mahabbatym. Men úshin bárin istedi. Munyń bárin oǵan jeke aıtqanmyn. Alaıda onda sońǵy qoshtasý hatymnyń bolǵanyn qaladym. Ol ony qansha qalasa, sonsha ret oqı alady» dedi ol.
Hatty alǵan kezde Rene kúıeýiniń ózi úshin qanshalyqty mańyzdy ekenin aıtty.
«Norman - jarqyn adam. Ol maǵan sezimin bildirdi. Men ol týraly burynnan biletinmin, alaıda hat men úshin mańyzdy» deıdi Rene.
foto red gross
