Koronavırýs indetiniń Túrkııadaǵy serıaldardyń túsirilimine kedergi keltirgeni belgili. Búginde birneshe serıaldyń túsirilimi keıinge shegerilip, barlyǵy karantın rejimin saqtap, úıde otyr. «Chýkýr» serıalynyń komandasy jańa bólimderdi kútip qalǵan kórermenderi úshin YouTube jelisinde tikeleı efırge shyǵyp, olarmen suhbattasty. #ChýkýrÚıde efırinde akterler búginde nemen aınalysyp jatqanymen bólisip, úıde otyrýdyń mańyzdy ekenin de túsindirip ótti. Sonymen qatar vırýstan saqtanýdyń joldarymen bólisip, jaqyn arada qaıta qaýyshýǵa asyǵatynyn jetkizdi. Osylaısha, #ÚıdeOtyr aksııasyna úles qosyp ári kórermenderimen jańa formatta baılanysty.
