Al búgingi kórshiler bir-biriniń úıine bas suqpaq túgili, amandasýǵa, hal-jaǵdaı surasýǵa ýaqyt taba bermeıdi. Osylaısha ata-dástúrimiz aıaq asty bolyp, kópshil bolýdy umytyp baramyz. Budan júrek qataıady. Úlkenge qurmet, kishige izet túsinigi joǵalady.
Mine, osy oraıda Qazaqstan Sýretshiler odaǵy jáne ArtCom-nyń uıymdastyrýmen kóptegen is-shara júzege asyrylýda. Máselen, «Korshiler», «Tam, gde horosho», «Aul picnic», «Attraksıon Pleıhaýs», «Kosmos Vzaımodeıstıe», taǵy da basqa jobalar qolǵa alynǵany qýantady. Bul sharalardyń maqsaty qala ómirine úırengen jergilikti turǵyndardyń kúndelikti tirshiligine ózgeris engizý. Qoǵamǵa kerek «New progress»-ti jańǵyrtý. Sonyń ishinde «Meniń kórshilerim!» «Korshiler», «Tam, gde horosho» jobalarynyń negizin qalaýshy Áıgerim Ospanmen az-kem tildesýdiń sáti týdy.
«Bul jobalardyń maqsaty – qala turǵyndarynyń, kórshilerdiń tyǵyz qarym-qatynasta bolýyna áser etý. Ata-analardyń ýaqyttary shekteýli bolǵandyqtan, eki jaqty tez til tabystyrý maqsatynda balalaryn aralastyrdyq. Biz balalarmen sýret salyp, oıyndar oınadyq. Úlkender baýyrsaq pisirip, dámin tatqannan keıin barlyǵynyń kóńilderi kóterilip, kezekti is-sharamyz qýanyshty leppen aıaqtaldy», deıdi sýretshi A.Ospan. Ata-saltymyzdyń túp-negizin saqtap, búgingi urpaqtar sabaqtastyǵyn áste dáriptep júrýimiz tıis. О́z aýlamyzdan bastalǵan ıgi isterdiń jalǵasy barshaǵa úlgi bolýy qajet.
Aıym BOLATQYZY
