Qazaq eli óziniń Ata Zańyna 18 jyl tolý merekesin Beıbitshilik jáne kelisim saraıynda saltanatty jaǵdaıda atap ótip, eldiń bas qujaty qurmetine qazaqstandyq óner sheberleri án men jyrdan shashý shashty. Eń basty baılyq – adam men onyń ómiri, quqyǵy men bostandyǵy, tańdaý-taǵylymy anyq aıshyqtalǵan el Konstıtýsııasy kúnine arnalǵan merekelik sharany Memlekettik hatshy Marat Tájın, Mádenıet jáne aqparat mınıstri Muhtar Qul-Muhammed jáne basqa da memlekettik organdardyń jaýapty qyzmetkerleri, mádenıet pen óner qaıratkerleri, elordadaǵy dıplomatııalyq korpýstyń ókilderi men qonaqtar kelip tamashalady.
Qazaq eli óziniń Ata Zańyna 18 jyl tolý merekesin Beıbitshilik jáne kelisim saraıynda saltanatty jaǵdaıda atap ótip, eldiń bas qujaty qurmetine qazaqstandyq óner sheberleri án men jyrdan shashý shashty. Eń basty baılyq – adam men onyń ómiri, quqyǵy men bostandyǵy, tańdaý-taǵylymy anyq aıshyqtalǵan el Konstıtýsııasy kúnine arnalǵan merekelik sharany Memlekettik hatshy Marat Tájın, Mádenıet jáne aqparat mınıstri Muhtar Qul-Muhammed jáne basqa da memlekettik organdardyń jaýapty qyzmetkerleri, mádenıet pen óner qaıratkerleri, elordadaǵy dıplomatııalyq korpýstyń ókilderi men qonaqtar kelip tamashalady.
Kúntizbedegi qyzylmen erekshe bederlengen ár merekeniń ómirimizden oıyp turyp alatyn ózindik orny bar. Sonyń ishinde jurttyń bári óte bir jaýapkershilikpen atap ótýge tıisti osy kúnniń bási men rýhy basqalaryna qaraǵanda ereksheleý bolyp kórinýinde úlken bir syr bardaı túıiledi. Otyzynshy tamyz. Jadyraǵan jazdyń jamaly az ýaqytta altyn jalqynǵa oranyp shyǵa kelmek. Eldik pen teńdikti jyrlaıtyn mereıli mereke tabıǵat-ananyń tamyljyǵan tap osy mezetine dóp kelýi kezdeısoq sáıkestik emes sııaqty. Egin orylyp, el yrzyǵy eselenip, dala jańǵyryǵyna bala jańǵyryǵy qosylatyn qyrkúıegiń ıek astynda tur. Qamba da, qazan da qaınaǵan shaq. Tól merekege jurttyń erekshe yqylastanýynan tirshilik bazaryn ańǵarǵandaısyz.
...Dalanyń abyz kúıshisi Qurmanǵazynyń «Saryarqa» kúıimen tamasha taǵylym bastalǵanyna tamsanǵan qaýym «Sazgen sazy» folklorlyq-etnografııalyq ansambline, «Ulytaý» tobyna, «Serper» dombyrashylar ansambline, ózge ulttyń ul-qyzdary bolǵanmen janyna qazaqtyń qara dombyrasyn serik etken Olga Jeltýhına, Georgıı Iýgaı, Andreı Fendrıkov pen Mıhaıl Glazyrın syndy oryndaýshylarǵa rızashylyqpen qol soqty. Jekelegen dombyrashylar men folklorlyq ansambldiń, estradalyq toptyń qosylyp óner kórsetýi neken-saıaq qubylys bolyp sanalady. Biraq úsh túrli únniń úzilmeı, ózara úılesimdi jarasyp, ortaq maqsatqa toǵysýynan «Saryarqa» kúıi ómirsheńdigin taǵy da tanyta túspese, atyna nuqsan tıgen joq.
Qazaqtyń halyq áni «Búldirgendi» QR eńbek sińirgen ártisi, Memlekettik syılyqtyń laýreaty Maıra Muhamedqyzynyń jurtty daýysyna uıytyp, júregimen berile salýynan qazaq ulttyq án mektebiniń taǵylymdy jalǵasy sezildi. Halyq taǵy bir tosyn syıdy tosyrqamaı qarsy aldy. Úkili Ybyraıdyń ataqty «Gákký» ánin bilmeıtin qazaq kem de kem. Ǵajaıyp shyǵarma sońǵy ýaqytta klassıkalyq úlgimen de, estradalyq janrmen de shyrqalyp júr. Al biraq osy ekeýin biriktire bilse, bul bir keleshekte damyta túsýge bolatyn, qoldaýǵa turatyn úlgi eken. Qazirgi qazaq estradasynyń belgili ókili Medeý Arynbaev pen opera juldyzy Maıra Muhamedqyzynyń qosylyp oryndaǵan áni halyqtyq injý-marjandardyń keremettigine kóz jetkizdi.
Qaraǵandylyq «Aqqý» bı ansambliniń oryndaǵan «Bı kúıi», «Yńǵaı tók» bıleri súıispenshilikpen qabyldandy. Kúmis Bazarbaeva, Aıdos Jabaǵın, Tolqyn Zabırova, Igor Blagodarnyı, t. b. óner sheberleri merekelik keshti ásem jyrmen kórkemdese, «MuzART» tobynyń oryndaýynda shyrqalǵan N.Aıtuly men J.Dáýlettiń «Qazaq eli» áni jas órkenniń júregindegi patrıotızm shoǵyn úrledi. Qazaqstannyń halyq ártisi Eskendir Hasanǵalıev pen halyqaralyq baıqaýlardyń laýreaty Birjan Hasanǵalıev salǵan «Atameken» áni keń saraıdy asqaq rýhpen eńselendirip, ár adamnyń janyna sezim qanatyn selkeýsiz qondyrǵandaı.
Qarashash TOQSANBAI,
«Egemen Qazaqstan.
________________________
Sýretterdi túsirgen Erlan OMAROV.
