Petropavl №2 jylý elektr ortalyǵy ózderine júktelgen ınvestısııalyq baǵdarlamalardy júzege asyryp keledi. Stansanyń kópten beri kúrdeli jóndeý kórmegen №6 qazan agregatynyń qyzdyrý betteri tolyq aýystyrylyp, kúl ustaǵysh jabdyqtar ornatyldy. Osylaısha, qaıta jańartýdan keıin bý ónimdiligi saǵatyna 220-270 tonnaǵa deıin artty. Ozyq jobalardyń jalpy quny 2 696,435 mıllıon teńge bolsa, olar shekti tarıfter jáne bankten alynǵan ınvestısııalyq qaryzdar arqyly tolyqqandy júzege asyryldy. №7 qazandyq agregaty da qaıta jańartýdyń nátıjesinde qýattylyǵy 220-270 tonnaǵa deıin, elektr qýatynyń óndirilýi 53-65 mVt-ǵa deıin kóbeıip, qorshaǵan ortanyń emıssııalary tehnıkalyq talaptaryna sáıkestendirildi. Sondaı-aq, avtomattandyrylǵan basqarý júıesi engizildi. Osy jobaǵa jumsalǵan kapıtal salymy 2 943, 856 mıllıon teńgeni qurady. Qaıta jańartý arqyly shartty otynnyń únemdelýi №6 qazandyqta 3938,2 tonnany, №7 qazandyqta 3715,3 tonnany qurap otyr.
Petropavl №2 jylý elektr ortalyǵy ózderine júktelgen ınvestısııalyq baǵdarlamalardy júzege asyryp keledi. Stansanyń kópten beri kúrdeli jóndeý kórmegen №6 qazan agregatynyń qyzdyrý betteri tolyq aýystyrylyp, kúl ustaǵysh jabdyqtar ornatyldy. Osylaısha, qaıta jańartýdan keıin bý ónimdiligi saǵatyna 220-270 tonnaǵa deıin artty. Ozyq jobalardyń jalpy quny 2 696,435 mıllıon teńge bolsa, olar shekti tarıfter jáne bankten alynǵan ınvestısııalyq qaryzdar arqyly tolyqqandy júzege asyryldy. №7 qazandyq agregaty da qaıta jańartýdyń nátıjesinde qýattylyǵy 220-270 tonnaǵa deıin, elektr qýatynyń óndirilýi 53-65 mVt-ǵa deıin kóbeıip, qorshaǵan ortanyń emıssııalary tehnıkalyq talaptaryna sáıkestendirildi. Sondaı-aq, avtomattandyrylǵan basqarý júıesi engizildi. Osy jobaǵa jumsalǵan kapıtal salymy 2 943, 856 mıllıon teńgeni qurady. Qaıta jańartý arqyly shartty otynnyń únemdelýi №6 qazandyqta 3938,2 tonnany, №7 qazandyqta 3715,3 tonnany qurap otyr.
Búginde №8 qazandyq agregatynyń montajdaý jumystarynyń 70,5 paıyzy oryndalyp, barlyǵy 4698,181 mıllıon teńge jumsaý kózdelgen. Jańa agregat iske qosylǵan kezde ekologııalyq jáne ekonomıkalyq únemdilikpen jumys isteıtin bolady.
JEO-da atqarylyp jatqan iri sharalardyń birine ábden tozyǵy jetken №4 týrbına agregatyn Ýral zaýytynyń jańa “T-50/60-90” týrbınasyna aýystyrý jumysyn jatqyzýǵa bolady. Qazir jalpy jańartý kóleminiń 53,5 paıyzy atqaryldy. Búginde týrbına korpýsynyń tómengi bóligi men generator statoryn jobalyq jaǵdaıǵa jetkizý isi qolǵa alynǵan. Sonymen birge joǵary jáne tómen qysymdy qubyrlardy, qosalqy jabdyqtardy montajdaý jáne avtomattandyrylǵan basqarý júıesin ornatý qyzý qarqyn alǵan. Mamandardyń aıtýynsha, jańa týrbınalyq agregattar jylyna elektr qýatyn 50 mVt-ǵa kóbeıtýge jáne qosymsha 320 mln. kVt./saǵat shamasynda elektr qýatyn óndirýge, jylý qýattylyǵyn 96 Gkal/saǵatqa arttyrýǵa múmkindik beredi. Otyn únemi bir shartty jylǵa 15055,4 tonna kómirge teń. Jańa týrbogeneratordyń jobalyq quny 5373 mıllıon teńgeden asady.
Jylý qýatyn óndirýden túsken qarajatqa stansanyń №2, 3,10,11 qazandyq agregattarynyń qyzdyrma betteri aýystyryldy. Endi kompanııanyń josparynda №1 jáne №5 týrboagregattardy ornatý mindeti tur. Olardyń jabdyqtaryn jetkizýge Ýral týrbına zaýytymen kelisimsharttar jasalǵan.
Jańǵyrtý baǵdarlamalary aıaqtalǵannan keıin qazandyq agregattar sany qazirgi jumys istep turǵan 11 birliktiń ornyna 12-ge jetedi, al stansanyń tolyqqan qýattylyǵy 347 mVt-dan 480 mVt-ǵa deıin artady. Sóıtip, 2015 jylǵa taman eskirgen qural-jabdyqtardyń 35-40 paıyzy osy zamanǵy qýat únemdegish qurylǵylarǵa aýystyrylatyn bolady.
О́mir ESQALI,
«Egemen Qazaqstan».
Soltústik Qazaqstan oblysy.
