Kásipker shydamsyz adam bolsa kerek, taralyp jatqan indettiń qaýiptiligin elemeı, qol qoıǵan qolhatyn da aıaqqa basyp, aýylyna kelisimen óziniń saýda núktesine barǵan.
Aýyldyq jerdeginiń bári aınadaı kórinip turady emes pe, onyń áreketin jergilikti polısııa ınspektory bilip qalyp, telefon arqyly eskertý jasap, úıde otyrýyn talap etedi. Alaıda kásipker salyp uryp, Taıynsha aýdandyq kópsalaly aýrýhanasyna baryp, óziniń boıynda eshqandaı vırýs joq ekeni týraly anyqtama berýdi talap etedi. Soltústik Qazaqstanda aýdandyq aýrýhana túgili oblystyq aýrýhana da ony anyqtaı almaı, materıalyn Almatyǵa jiberedi. Ana joly Ombydan kelgen, boıynda vırýs bar degen áıeldiń derekterin sóıtti.
Eger kásipkerdiń boıynda jaman indet bolsa, aýyl men aýdan ortalyǵynda sabylyp júrgen ol talaı adamǵa taratty. Munyń qasireti de sol, bir adamnan ekinshi adamǵa satylap berile beredi. Sony túsinbeı, TJ talabyna nemquraılyqpen qaraǵan azamatty endi 10 AEK kólemindegi aıyppul salynýy nemese 15 táýlikke deıingi ákimshilik qamaqqa alý kózdelgen. Qazirdiń ózinde onyń isine hattama toltyrylyp, sotqa jóneltý sharalary qarastyrylýda.
Aıta ketetin jaıt, oblys polıseıleri TJ tártibin buzǵandyǵy úshin osymen 39 hattama toltyryp otyr. Buǵan deıingilerdiń bári saýda jáne oıyn-saýyq núktelerine qatysty bolǵan.
Soltústik Qazaqstan oblysy
