Tólqujatym, bek muratym Ata Zań,
Bizge jetken muradaı bop atadan.
Táýke jazǵan Jeti jarǵy buljymas,
Buıryq, úkim babam bergen batadan.
Tólqujatym, bek muratym Ata Zań,
Bizge jetken muradaı bop atadan.
Táýke jazǵan Jeti jarǵy buljymas,
Buıryq, úkim babam bergen batadan.
Bul dalanyń bultartpaıtyn zańy bar,
Ol aqsaqal, alqa bıler, qazylar.
Týǵany joq týra bıler kesimger,
Sheshimderi ádil joldan tabylar.
Parlamenti bul dalanyń qyr basy,
Qyr basynda qarttyń susty tulǵasy.
Adam turmaq, tusaý urlaý kúıe bop,
Jaǵylatyn bir aýylǵa kúnási.
Qamshysymen tyıyp, tejep tentegin,
Entigin de basar eser, erkeniń.
Jesir daýy, týa qalsa jer daýy,
Bir qarııa-aq jazar edi «dert emin»
Ata Zańym – bas kitabym, bulaǵym,
Ata Zańym – ar ojdanym, turaǵym.
Ata Zańym – sharıǵatym, sharttarym,
Baǵdar shamym, boıǵa qýat uranym.
Yntymaǵyn, tatýlyǵyn, birligin,
Atap óter 30-y bul uly kún.
Arqa súıer Ata Zańym turǵanda,
Qazaqstan ózińmenen Ulymyn,
Qazaqstan bıik seniń tuǵyryń!
Maqsat QARǴABAI.
Ońtústik Qazaqstan oblysy,
Sozaq aýdany.
