Búginde elimizdiń barlyq qalalarynda zalalsyzdandyrý jumystary júrgizilip keledi. Jón-aq. Mundaı jaǵdaıda pandemııanyń taralý qaýpi týnnel deıdi. Jańashyl jan oılap tapqan quraldyń atqaratyn qyzmeti budan da asyp túsedi. Iаǵnı, arnaıy qurastyrylǵan týnneldiń ishimen júrip ótkender boıyna dezınfeksııalyq suıyqtyqty sińirip, zalalsyzdanyp shyǵady. Sodan soń qaýipti vırýstan saqtaný ımmýnıteti paıda bolady eken.
– Maǵan bul oı elimizde koronavırýs ınfeksııasy bastalǵan kezde kelip edi. Osyndaı qıyn kezeńde el-jurtyma bir paıdamdy tıgizbek oımen kúnine júz oılanyp, myń tolǵanyp osy zalalsyzdandyrý týnnelin jasap shyǵarýǵa tyrystym. Oǵan otandyq ónimder paıdalanyldy. Qazirgi kezde el turǵyndaryna aýadaı qajet quraldyń synaqtan oıdaǵydaı ótkeni men úshin bir mereı, – deıdi bul jóninde gazet tilshisine elimizde balamasy joq jańa jabdyqtyń ıesi Haıdar Ilııasov.
Aıryqsha týnneldiń ishimen júrip ótip, onyń jaraqtandyrylýyna oń baǵa bergen Aqtóbe oblysynyń ákimi Ońdasyn Orazalın mundaı týnneldi Aqtóbe qalasyndaǵy ózge oryndarǵa da ornatý kerektigine toqtaldy.
Soǵan sáıkes joba ıesi ony taıaý kúnderde oblys ortalyǵyndaǵy saýda úıleri men aýrýhana ǵımarattarynyń janyna ornatýdy oılastyrýda. Onyń alǵa qoıǵan maqsaty – kem degende júz zalalsyzdandyrý týnnelin shuǵyl qurastyrý bolyp otyr. Bul rette ol óz óniminiń kem-ketigin kúnnen-kúnge jetildire túsýdi jón kóredi. Kásipkerdiń aıtýynsha, qazirdiń ózinde oǵan oblys aýdandarynan jáne Atyraý men Almaty oblystarynan tapsyrystar túsipti.
Haıdar Ilııasov óziniń zalalsyzdandyrý qurylǵysyn týrkııa mamandyrynyń tájirıbesine sýıene otyryp jasaǵan.
Aqtóbe
