«Memleketimiz óz táýelsizdigin alǵan sátten bastap bıznestiń, shaǵyn jáne orta kásipkerliktiń damýyna erekshe den qoıyp, kásipkerlerge barynsha qolaıly jaǵdaılar jasap keldi. El Prezıdentiniń jyl saıynǵy halyqqa arnaǵan Joldaýlarynda, baǵdarlamalyq qujattarda iri, shaǵyn jáne orta bıznes sýbektilerin qoldaýdy kózdeıtin túrli sharalar aıqyndaldy. Sonyń nátıjesi retinde búginde qazaqstandyq bıznes el ekonomıkasynyń flagmanyna aınaldy», delingen úndeýde.
Túrkistan oblystyq máslıhatynyń depýtattary respýblıkalyq qorǵa 122,5 mln teńge aýdarǵan. Sonymen qatar, az qamtamasyz etilgen otbasylarǵa azyq-túlik, gıgıenalyq quraldar túrinde 8,5 mln teńgeniń kómegin kórsetken. Oblystyq máslıhat depýtattary úndeýde bul ıgi isterdiń barlyǵy halyqtyń, tutastaı ultymyzdyń densaýlyǵy men ómiri úshin jasalyp otyrǵan óte mańyzdy sharalar ekenin aıta kele, barsha isker azamattardan, kásipkerlerden, iri kásiporyndar basshylarynan el basyna osyndaı kún týǵanda aıanyp qalmastan, respýblıkalyq qorǵa qoldan kelgen kómekterin aýdarýdy suraıdy.
