Keshe Qyzylorda qalasynda «Nazarbaev Zııatkerlik mektebiniń» ashylý saltanaty bolyp ótti. Bul týraly «QazAqparat» tilshisi habarlady.
Eske salaıyq, elimizdegi mundaı birinshi mektep 2009 jyly Astana qalasynda paıdalanýǵa berilgen bolatyn. Sodan bergi 4 jylda osyndaı respýblıkanyń 11 qalasynda 13 mektep ashyldy. Qyzylordada rettik sany boıynsha solardyń 14-shisi qatarǵa qosyldy. Al aldaǵy jyldary daryndy balalarǵa arnalǵan mundaı bilim ordalary Almaty (ekinshi), Petropavl, Qostanaı, Atyraý jáne Aqtaý qalalarynda paıdalanýǵa berilmekshi.
Qyzylordadaǵy zııatkerlik mekteptiń 7-11 synyptarynda 2013-2014 oqý jylynda 533 daryndy bala oqıtyn bolady. Oqý ornynda arnaıy irikteýden ótken 90 joǵary bilikti muǵalim sabaq beredi.
Mekteptiń ashylý saltanatyna oblys ákimi Qyrymbek Kósherbaev qatysyp, jınalǵandardy Konstıtýsııa jáne Bilim kúnderimen quttyqtady. Ol óz sózinde oqý ornyna oblystyq ákimdik barlyq qamqorlyqty jasaıtynyn atap ótti. «Nazarbaev Zııatkerlik mektebiniń» tóraıymy Kúlásh Shaımerdenova ózderine júktelip otyrǵan mindetterdiń deńgeıinen tabylatyndaryn aıtty.
Al qurylysty júrgizgen «Aq Orda» qurylys kompanııasynyń basshysy mektep dırektoryna jańa ǵımarattyń nyshandyq kiltin tabys etti. Shara sońy dástúrli «Alǵashqy qońyraýmen» aıaqtaldy.
Murat Aıtqoja.
