Bilim jáne ǵylym vıse-mınıstri Rústem Bıǵarı men «Qazposhta» AQ basqarma tóraǵasy Sáken Sársenov osy baǵyttaǵy yntymaqtastyq tetikterin talqylap, pandemııa kezeńinde oqý materıaldaryn muǵalimderden oqýshylarǵa, oqýshylardan muǵalimderge keri jiberý jumystaryn uıymdastyrý qajettigi aıtyldy. Bilim jáne ǵylym mınıstrliginiń málimeti boıynsha, elimizdegi keıbir eldi mekenderde mektep te, ınternet te joq. Al onda turatyn mektep jasyndaǵy balalar kórshi aýyldarǵa kólikpen arnaıy jetkizilip otyrǵan.
Balalardyń der kezinde bilim alyp, qashyqtan oqýyn uıymdastyrý maqsatynda tıisti sala mamandary yntymaqtastyq týraly Memorandýmǵa qol qoıdy. Osyǵan sáıkes oqýshylarǵa arnalǵan oqý materıaldary «Qazposhta» AQ poshta bólimsheleri arqyly jetkiziletin bolady. Ata-analarǵa poshta baılanysy qyzmeti úshin tólem jasaýdyń qajeti joq. Qashyqtan bilim berý tehnologııalaryn qoldaný arqyly oqýǵa múmkindigi joq oqýshylar týraly derekterdi oblystyq jáne respýblıkalyq mańyzy bar qalalardyń bilim basqarmalary ókilderi usynady. Aıta ketken jón, shalǵaı eldi mekenderde ómir súretin oqýshylarǵa arnalǵan oqý materıaldary sanıtarlyq qaýipsizdiktiń barlyq normalaryn saqtaı otyryp jetkiziletin bolady.
