“DIDAR” KINOFESTIVALI

aldaǵy Azıada men elimizdiń EQYU-ǵa tóraǵalyq etýine  arnalmaq Bıyl sáýir aıynyń ortasynda besinshi ret ótkiziletin “Dıdar” – Almaty stýdentter kınofestıvali “Jańa onjyldyq – Qazaqstan jastarynyń jańa serpilisi” degen uranmen ótkeli otyr. Atalmysh kınofestıval aldaǵy VII qysqy Azııa oıyndaryn jastar arasynda nasıhattap ári elimizdiń EYQU-ǵa tóraǵalyq etýi qurmetine qurylmaq. Alǵash ret atalmysh kınofestıval Almaty jastary arasynda ótkizilgen bolatyn. Araǵa jyl salyp ol  respýblıkalyq deńgeıge kóterildi. Halyqaralyq deńgeıge kóterilýge áleýeti bar kınododa bes jyl ishinde birqatar talantty jastarymyzdyń tyrnaqaldy týyndylarynyń tusaýyn  kesip, úlken ekranǵa joldama berýden jańylmaı keledi. Kınofestıvaldiń maqsaty da osy – óz zamandastaryn týǵan eldi qurmetteýge shaqyratyn jáne ulttyq úrdis pen mádenıetti tereń nasıhattaı alatyn daryndy jastardy tabý. Kınoóndirisi salasynda Almaty jastar kınofestıvaliniń atqaryp otyrǵan tirligi tolaıym bolmasa da jas sýretkerlerdiń qabiletin shyńdaýǵa, jigerlendirýge yqpaly bar ekenin ónertanýshylar moıyndaıdy. Onyń ústine “Dıdar” festıvaliniń Almaty qalalyq ákimdiginen de bólek, alty birdeı uıymdastyrýshysy bar. Olar – Almaty qalasy Jastar saıasaty jónindegi basqarmasy, “Dıdar” prodıýserlik ortalyǵy” qoǵamdyq qory, Almaty jastar saıasatyn damytý memlekettik qory, T.Júrgenov atyndaǵy Qazaq ulttyq óner akademııasy. Resmı qoldaýshylar qatarynda Mádenıet mınıs­tr­ligi men “Nur Otan” HDP “Jas Otan” jastar qanaty bar. Jeti birdeı maqsatqa qurylǵan kı­nofestıval aıasynda stýdentter fı­lm­deriniń, shyǵarmashylyq ujymdar qatysqan fılmder men mýzykalyq klıpterdiń baıqaýy ótedi. Sol sııaqty “Qazaqstandyq jastar kınosy: álemdik kınorynokta alatyn orny” taqyrybynda dóńgelek ústel,  sheberlik dáristeri ótpek. Baıqaý barysynan bólek, aqparattyq fılmderdiń kór­se­ti­lim­derin jasaý kózdelip otyr. Baıqaýǵa 2008-2010 jyldar aralyǵynda qazaq jáne orys tilderinde “Meniń Qazaqstanym!” urany aıasynda túsirilgen kór­kemsýretti, derekti, anımasııalyq fılmder men mýzykalyq beıneklıpter qabyldanady. Bıyl bas júldeden bólek, 17 ataýly nomınasııa boıynsha úzdik jumystar mara­pattalmaq. Aınash ESALI. Almaty.