“ALTYN JÚREKTI” ADAMDAR QASYMYZDA JÚR

Erlik tek soǵys kezinde ja­sal­maı­dy. Adam ómirin saqtap qalý úshin sýǵa túsken, qyzyl otpen ar­pa­lysqandar óziniń  kózsiz jasaǵan táýekelin erlik dep aıtpaıdy. Al beıbit kúndegi adamdardyń mundaı qadamynyń artynda  bıik adam­ger­shi­lik, adamdarǵa degen sú­ıis­pen­shilik, Otanǵa degen asqan patrı­o­tızm jatyr. О́tken jyly Na­ýyr­zym aýdanyndaǵy Razdolnoe aýylynyń janynan aǵatyn ózenniń betine muz  qatqanda  14 jasar Altynbek Túkeev  bes jasar q­a­ryn­­dasy Mádınany ertip, syr­ǵa­naq oınaýǵa barady. Qarashanyń sýyǵymen endi qatqan muz áli qalyńdamaǵan eken, balalardy kótere almaı oıylyp ketedi. Al­tynbek jaǵaǵa shyǵýǵa qarmanady, Má­dına sýǵa bata bastaıdy. Osy kezde jaǵada  júrgen  9 synyptyń oqý­shysy Vladıslav Mıkalaýskas kele muzdy sýǵa qoıyp ketip, kish­kentaı qyzdy jaǵaǵa alyp shy­ǵady. Sol kúnnen bastap alǵysy sheksiz ata-anasy Vladty Mádı­nanyń ekinshi aǵasy dep qa­byl­dady. “Nur Otan” partııasy Qostanaı oblystyq fılıaly uıymdastyrǵan “Altyn júrek” baıqaýyna qatys­qan­dardyń arasynda mundaı my­sal­dar óte kóp boldy. Olar betpe-bet kelgen tótenshe jaǵdaı­lar da ár túrli, tek adamdy qutqarý úshin esh­kim de qarap turyp qalmaı, kóz­jumbaı táýekelge umtylýy olar­dyń ortaq uqsastyǵy edi. Qy­syl­taıań shaqta adamdarǵa qol­ushyn ber­gen, ómir úshin  erlik iske bar­ǵan­­darǵa partııanyń oblystyq fı­lıaly tóraǵasynyń orynbasary Irına Aronova “Altyn júrek” bel­gisin jáne baǵaly syılyqtar tabys etti. Fılıalǵa úsh aıdyń ishinde “Altyn júrek” ataǵy úshin oblystyń túkpir-túkpirinen kóp­te­gen suranystar kelip tústi. Olar­dyń arasynda adamdardy  qyzyl ottyń ishinen aman alyp shyq­qan­dar, sýdan qutqarǵandar da jet­ki­lik­ti. Sonymen qatar, “Altyn jú­rek” syılyǵy Áýlıekól aýda­nyn­daǵy Amanqaraǵaı  kentiniń tur­ǵyn­dary Ildýs jáne Lıdııa Ah­me­tov­terge de berildi. Olar 2004 jyly Rýdnyı qalasyndaǵy balalar úıinen jeti birdeı balany asyrap alǵan bolatyn. Olar qazir ata-ananyń jyly baýyrynda jetimdik kórmeı ósip keledi. Al Qostanaı qalalyq perzenthanasynyń bas dárigeri Tatıana Býlgasevıchtiń ár kúni erlikke toly dese de bolady. Ol kún saıyn ana men balanyń ómiri úshin kúresedi, olardy ajal tyrnaǵynan aman alyp qalady. Kindik sheshe– naǵyz altyn júrekti adam. “Altyn júrek” baıqaýy qo­ry­tyn­dysynda oblys ónerpazdary erlik, adamgershilik, patrıotızm týra­ly ánder shyrqady, bı bı­lendi. Eleýsiz ǵana júrip erlik jasa­ǵandar osylaı marapattaldy, olar arqyly erlik pen dostyqqa taǵzym jasaldy. Názıra JÁRIMBETOVA, QOSTANAI.