Aımaqtar • 06 Sáýir, 2020

Qorǵanys kásiporyndary medısınalyq ónimderdi shyǵarýǵa jumyldyrylǵan

39 ret kórsetildi

Qorǵanys ónerkásibi kásiporyndary koronavırýstyq ınfeksııanyń taralýyn joıýǵa baǵyttalǵan jalpy memlekettik is-sharalarǵa jumyldyrylǵan. О́ndiristik baǵyttar boıynsha da, qarjylyq kómek kórsetý jaǵynan da kúsh-jiger jumsaýda.

Konversııa sheńberinde qorǵanys kásiporyndary jedel tártippen jalpy jáne medısınalyq maqsattaǵy azamattyq ónimderdi shyǵarýǵa kóshti.

Kókshetaý «Tynys» zaýyty medısınalyq betperdeler shyǵarýǵa kirisip, qazirdiń ózinde Aqmola oblysynyń densaýlyq saqtaý mekemelerine 110 myń dana betperde jetkizdi. Sonymen qatar, zaýytta taǵy 2 mıllıon dana betperde shyǵarýǵa arnalǵan shıkizat pen materıaldar bar. Osy zaýyt jedel járdem mashınalaryna ornatý úshin ókpeni jasandy jeldetýdiń mobıldi apparattaryn shyǵarýdy bastady. Taıaýdaǵy eki aı ishinde О́JJ apparattary Qazaqstannyń barlyq óńirlerindegi jedel járdem qyzmetteriniń qajettiligin jabady. Osyǵan baılanysty zaýyt táýlik boıy úsh aýysymdy jumysqa aýystyryldy.

Áskerı kemeler men katerler óndiretin Batys Qazaqstandaǵy «Gıdroaspap» jáne «Zenıt» kásiporyndary adamdar bolatyn ár túrli aımaqtarǵa ótý kezinde dezaktıvasııany qamtamasyz etý úshin ınjenerlik qorshaýlar men arnaıy tonnelder óndirisin uıymdastyrýǵa kiristi.

Soltústik Qazaqstandaǵy «Petropavl aýyr mashına jasaý zaýyty» AQ, «S.M. Kırov atyndaǵy zaýyt» AQ jáne «Munaımash» AQ kásiporyndary oblysty avtokólikke arnalǵan dezınfeksııalyq tosqaýyldarmen qamtamasyz etti.

Túnge arnalǵan áskerı aspaptar shyǵaratyn «Qazaqstan Aselsan ınjınırıng» AQ Qazaqstan-Túrkııa birlesken kásiporny adamnyń dene qyzýyn ólsheýge arnalǵan dıstansııalyq elektrooptıkalyq qurylǵylar óndirisin ıgerýde.

Almaty qalasynda ornalasqan ushpaıtyn qarýlar men praktıkalyq oq-dáriler shyǵaratyn Alma-DK jáne Qalqan-7 zaýyttary arnaıy dezınfeksııalaý quraldary men qorǵaý kostıýmderin óndirýdi uıymdastyrdy.

Budan basqa, qorǵanys ónerkásibi zaýyttary, sonyń ishinde № 405 Almaty avıajóndeý zaýyty Qarýly Kúshterge tótenshe jaǵdaı rejımi sheńberinde is-sharalardy uıymdastyrýǵa qatysatyn áskerı qyzmetshilerdi dezaktıvasııalyq quraldarmen qamtamasyz etý úshin qarjylaı kómek kórsetti.

Jalpy alǵanda, Qazaqstan Respýblıkasynyń qorǵanys ónerkásibi kásiporyndary týyndaǵan syn-qaterlerge qarsy sharalardan shet qalmaı, respýblıkalyq jáne óńirlik jedel shtabtardyń mindetterine sáıkes COVID-19 taratpaýǵa óz úlesin qosady.

Budan basqa, qorǵanys salasynyń kásiporyndary bekitilgen kestege sáıkes kúsh qurylymdary múddesinde 2020 jylǵy memlekettik qorǵanystyq tapsyrysty oryndaýdy jalǵastyrýda – áskerı maqsattaǵy barlyq ónim ýaqytyly jáne sapaly óndiriletin bolady.

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar