Áskerı ushqyshtar kúsheıtilgen qyzmet rejimine kóshirildi

Qazaqstan áskerı áýe kúshteriniń avıasııalyq bazalary árqashan jaýyngerlik daıyndyqta, sonymen qatar áskerı-kóliktik,áskerı jáne maıdan avıasııasynyń daıarlanǵan ushý quramdary bar. Áskerı ushqyshtar kúsheıtilgen qyzmet rejımine kóshirildi jáne komanda boıynsha qoıylǵan mindetterdi oryndaýǵa daıyn. Qarapaıym jáne kúrdeli meteorologııalyq jaǵdaılarda, kúndiz jáne túnde de jolaýshylardy, júkterdi tasymaldaýǵa tıisti ruqsaty bar ushý ekıpajdarynyń táýliktik kezekshiligi uıymdastyryldy.

Tótenshe jaǵdaı kezinde ózderiniń jaýyngerlik daıyndyǵyn áskerı-kólik avıasııasynyń ekıpajdary kórsetti. Jaqynda S-295 ushaqtarynda dezınfeksııalaý, blok beketterindegi kezekshilikti atqarý, eldi mekenderdi patrýldeý boıynsha mindetterdi oryndaý úshin Qurlyq áskerleri men arnaıy júkterdiń jeke quramyn Lýgovoı jáne Jetigen garnızondarynan Oral, Qostanaı jáne Petropavl qalalaryna aýystyrý júzege asyryldy. Áskerı ushqyshtardyń barlyǵy 350-den astam áskerı qyzmetshi men 10 tonnadan astam júk tasymalyn júzege asyrdy.

«Bizdiń bólimniń avıasııalyq tehnıkasynyń tehnıkalyq jáne jaýyngerlik jaǵdaıy, sondaı-aq ekıpajdyń daıyndyǵy qoıylǵan mindetterdi táýlik boıy jáne kez kelgen meteojaǵdaılarda oryndaýǵa múmkindik beredi. Búgingi kúni bizdiń avıasııalyq bazada tótenshe jaǵdaı kezinde mindetterdi oryndaý úshin áskerı-kóliktik jáne áskerı avıasııanyń daıyndalǵan ushý quramdary bar. 24 saǵat boıy áskerı ushqyshtar birinshi komanda boıynsha Qazaqstan azamattarynyń densaýlyǵyn saqtaýǵa baǵyttalǵan mindetterdi oryndaý úshin ushýlardy júzege asyrýǵa daıyn», – dep atap ótti 53975 áskerı bóliminiń komandıri polkovnık Nurlan Baıdýlaev.

Sonymen qatar, áskerı-kóliktik avıasııanyń kúshimen elge Qarǵyzstan, Tájikstan, Saýd Arabııasy men Kýveıtten otandastarymyz, onyń ishinde shet memlekette em qabyldap jatqan balalar da evokýasıalandy.

Kenetten týyndaǵan mindetterdi oryndaýǵa ázirlikti ustap turý, sondaı-aq ushý sheberliginiń deńgeıin arttyrý úshin tipti tótenshe jaǵdaı rejımi kezinde de oqý-jattyǵý ushýlary toqtatylmaıdy. Ushqyshtar aptasyna úsh ret tıisti jattyǵýlar men normatıvterdi qamtıtyn ushýlardy oryndaıdy. Árbir ushýdyń aldynda ushý aldyndaǵy baqylaý daıyndyǵy men ushý aldyndaǵy nusqaýlar júrgiziledi.

Jaýyngerlik daıyndyqtan basqa áskerı ushqyshtar men avıamamamamandardyń densaýlyq jaǵdaıy da baqylaýda. Barlyǵy koronavırýs sımptomdarymen jáne sanıtarlyq-gıgıenalyq normalarmen tanysqan. Densaýlyq qaýipsizdigin qamtamasyz etý maqsatynda ushý jáne ınjenerlik-tehnıkalyq quramdary kún saıyn medısınalyq tekserýden ótedi. Atap aıtqanda qan qysymyn ólsheý, termometrııany jáne qajet bolǵan jaǵdaıda basqa da tekserýler qamtylady.

Áskerı medıkter men bıologııalyq qorǵaý bólimsheleri avıasııalyq tehnıkanyń, kazarmalyq úı-jaılardyń, oqý synyptaryn arnaıy eritindilerimen kúndelikti sanıtarııalyq jáne dezınfeksııalyq óńdeýdi júzege asyrady. Ushyp kelgennen keıin barlyq áýe kemeleri arnaıy dezınfeksııalaý quraldarymen óńdeledi, al ekıpaj medısınalyq tekserýden ótedi.