Qazaqstan • 06 Sáýir, 2020

Qosymsha áskerı-medısınalyq mekemeler qyzmetke daıyndaldy

20 ret kórsetildi

Qazaqstan Qarýly Kúshteriniń Áskerı-medısınalyq qyzmeti áskerı-medısınalyq mekemeler men qyzmetkerlerdi, jabdyqtar men quraldardy naýqastardy qabyldaýǵa, emdeýge jáne karantınge daıyndaý boıynsha qosymsha sharalar qabyldady.

Sonymen qatar, Bas áskerı klınıkalyq gospıtaldiń anestezıologııa, reanımasııa jáne qarqyndy terapııa bólimshesi daıarlyqqa keltirildi. Ol atalmysh pnevmonııanyń eń kúrdeli jaǵdaılaryn, sonyń ishinde vırýsty jaǵdaılardy emdeýge múmkindik beretin zamanaýı ókpeni jasandy jeldetý quraldarymen jabdyqtalǵan. Medısınalyq jabdyqtardyń tolyq is-əreketi ókpeniń aýyr jaǵdaıy bar naýqastarǵa dıagnostıka, emdeý jáne baqylaý júrgizýge, reanımasııalyq kómek kórsetýge múmkindik beredi.

Bólimsheniń jeke quramy qajetti qorǵanys quraldarymen jáne 2-3 dárejeli qorǵanysh kıimderimen qamtamasyz etilgen. Kún saıyn medısınalyq mamandarmen COVID-19 naýqastarynyń kelip túsýi jaǵdaıynda áreket algorıtmi boıynsha sabaqtar men arnaıy trenıngter ótkiziledi.

Budan bólek, áskerı gospıtaldar men lazaretterde daıyndalǵan juqpaly aýrýlar bólimshelerine qosymsha jaqyn arada Almatydan 30 shaqyrym jerde zamanaýı mobıldi dalalyq gospıtal ashyldy. Tarazdan tasymaldaýdy qosa alǵanda, tolyq gospıtaldi óristetý úshin tek 2,5 táýlik qajet boldy. 100 tósek-orynǵa arnalǵan gospıtal qabyldaý jáne dıagnostıkalyq bólimshelerden, operasııalyq bloktardan, anestezıologııa jáne reanımasııa bólimshesinen, evakýasııalyq bólimsheden, ordınatorlyq bólme men dárihanadan turady. Ol rentgendik tekserý júrgizýge arnalǵan sapaly jabdyqtarmen, ókpeni jasandy jeldetý zerthanalarymen jáne quraldarmen jabdyqtalǵan.

Gospıtal jylytý jáne aýa baptaý júıelerimen jabdyqtalǵan, sondaı-aq tazalyq toraptary men jýyný bólmeleri bar.

Onyń janynda 300 oryndyq eki ǵımarat jóndelip, karantın kezeńinde paıdalanýǵa daıyn tur, oǵan qosa 500 oryndyq shatyrly lager ashylyp, karantın kezeńinde paıdalanýǵa daıyn tur,

Sonymen qatar, Nur-Sultanda da qosymsha rezervtik áskerı-medısınalyq qor daıyndaldy. Elordada eki ǵımaratta 160 oryn daıyndalyp, sondaı-aq 500 oryndyq shatyrly lager ashylyp, naýqastarǵa kómek kórsetý boıynsha əzirlikke keltirildi.

Áskerı-medısınalyq qyzmettiń kúshteri men quraldary qysqa merzimde koronavırýsqa qarsy kúreske jumyldyrylǵan. Áskerı dárigerler ınfeksııanyń taralýy men aldyn alý sharalaryn ázirlep, engizdi. Olar áskerı qyzmetshilerdiń densaýlyq jaǵdaıyn baqylaýda ustaıdy jáne basqa memlekettik organdarǵa kómek kórsetedi.

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar