Rýhanııat • 06 Sáýir, 2020

Ulttyq online aıtys ótkizbek

264 ret kórsetildi

Qazaqstan tarıhynda alǵash ret Sybaılas jemqorlyqqa qarsy is-qımyl agenttigi men Agenttik janyndaǵy Respýblıkalyq aqparattyq-aǵartýshylyq shtabtyń bastamasymen halyq shyǵarmashylyǵynyń qaıtalanbas saıysy – Aıtys onlaın rejimde ótedi.

Aıryqsha is-sharaǵa respýblıkanyń óńirlerinen 16 sýyryp salma aqyn  qatysady, olardyń ishinde Muhtar Nııazov, Aspanbek Shuǵataev, Syrym Áýezhan, Danııar Aldabergenov, Juldyzaı Maratbekova sekildi halyqaralyq jáne respýblıkalyq aıtystardyń júldegerleri men jeńimpazdary bar.

Aldaǵy baıqaýdyń taǵy bir ereksheligi – saıys sybaılas jemqorlyqqa qarsy taqyrypqa arnalady.

Sybaılas jemqorlyqqa qarsy is-qımyl agenttiginiń Tóraǵasy Alık Shpekbaevtyń aıtýynsha: «О́zekti máselelerdi óleńmen kópshilik aldynda aıtý bizdiń eldiń ejelgi dástúri. Biz qoǵamdaǵy sybaılas jemqorlyq kórinisterine múldem tózbeýdi dáripteý úshin eń tıimdi mádenı qural retinde qazaq aıtysyn paıdalanýǵa mindettimiz».

Jalpy karantın kezeńinde onlaın rejımde habar taratýdyń shekteýsiz qol jetimdiligi arqyly barlyq qalyń buqara qamtylady dep kútilýde. Jarys 9 sáýirde bastalady, qatysýshylardyń jerebe tartýy men juptardy bólýden bastalady. 9 jáne 19 sáýir aralyǵynda 1/8, 1/4 jáne 1/2 fınaldary ótedi. Onlaın Aıtystyń fınaly 2020 jyldyń 18 jáne 19 sáýirine josparlanǵan.

Saıystyń ótý barysyn barlyq nıet bildirýshiler shtabtyń áleýmettik jelilerdegi resmı paraqshalarynan kóre alady: Facebook-te «Respýblıkalyq aqparattyq aǵartýshylyq shtab», Instagram-da jáne YouTube-te «anticor_shtab_kz» paraqshalary.

Jeńimpazdar «Antisor_shtab_kz» telegram arnasynda onlaın daýys berý jáne memleket jáne qoǵam qaıratkeri, fılologııa ǵylymdarynyń doktory, professor Myrzataı Joldasbekovtyń tóraǵalyq etýimen qazylar alqasynyń arasynda daýysty paıyzdyq qatynasta bólý arqyly anyqtalady.

Bas júldege «Altyn Orda» avtorlyq dızaın úıi Tengri eksklıýzıvti etno-ınstallıasııasyn jáne «Biz birgemiz» logotıpimen kádesyı usynady.

Uqsas jańalyqtar