Rýslan Jumadilov qala turǵyndaryna «bir tereze» negizinde qyzmet kórsetýge arnalǵan "IQala" ortalyǵynyń jumysy týraly aqparat berdi.
IQala - bul turǵyndar men memlekettik organdardyń arasyndaǵy ózara qarym-qatynastyń jańa formaty. Ortalyqta 129 memlekettik qyzmet kórsetiledi. Spıker onlaın dıalog barysynda Nur-Sultan qalasyna/qalasynan azyq-túlik jáne azyq-túlik emes taýarlarmen qamtamasyz etý úshin kólik júrgizýshilerine arnalǵan jańa «Jasyl dáliz» memlekettik qyzmetine toqtaldy.
Endi Nur-Sultan qalasy arqyly jáne kirý/shyǵý úshin júk tasıtyn kólik júrgizýshileri post.iqala.kz saıtynda baqylaý-ótkizý pýnktinen kedergisiz ótýge ótinish bere alady. О́tinim tikeleı «Sergek: baqylaý-ótkizý pýnkti» qosymshasyna kiredi. Júk mashınasynyń júrgizýshisi saıtqa kirip, kirý / shyǵý derekteri, kólik quralynyń nómiri, JSN, tasymaldanatyn taýardyń ataýy, olardyń sany jáne marshrýttyń ózi kórsetilgen ótinish toltyrý qajet. О́tinimdi berý úshin ESQ jáne basqa da elementter qajet emes. Bul tek Nur Sultan qalasyna qatysty.
Bul ádis bıýrokratııalyq kedergilerdi qysqartady. Baqylaý-ótkizý pýnkterinde derekterdi qolmen toltyrý qajet emes. Osylaısha, adamdarmen tikeleı baılanys joıylady, bul pandemııa jaǵdaıynda óte mańyzdy.
Efır barysynda Rýslan Jumadilov azamattardyń suraqtaryna jaýap berip, aıtylǵan barlyq usynys-tilekterdi nazarǵa alatynyn jetkizdi. О́zderińizge belgili «IQALA» qalalyq qyzmet kórsetý ortalyǵy ótken jyly maýsym aıynda «Astana - adaldyq alańy» jobasy aıasynda ashylǵan bolatyn. Maqsat - qyzmet alý kezinde turmystyq jemqorlyqty joıý jáne barlyq monopolısterdiń qyzmetterin bir platformaǵa biriktirip azamattarǵa qolaıly jaǵdaı jasaý.
