2013 jylǵy 25 maýsym, Astana qalasy
«Ǵylymı jáne (nemese) ǵylymı-tehnıkalyq qyzmet sýbektileriniń qyzmetin baǵalaý ádistemesin bekitý týraly» Qazaqstan Respýblıkasy Bilim jáne ǵylym mınıstriniń mindetin atqarýshynyń 2011 jylǵy 15 shildedegi №309 buıryǵyna ózgerister engizý týraly
buıyramyn:
1. «Ǵylymı jáne (nemese) ǵylymı-tehnıkalyq qyzmet sýbektileriniń qyzmetin baǵalaý ádistemesin bekitý týraly» Qazaqstan Respýblıkasy Bilim jáne ǵylym mınıstriniń mindetin atqarýshynyń 2011 jylǵy 15 shildedegi №309 buıryǵyna (normatıvtik quqyqtyq aktilerin memlekettik tirkeý tiziliminde №7106 tirkelgen, «Egemen Qazaqstan» gazetiniń 2011 jylǵy 12 tamyzdaǵy №360-367 nómirinde jarııalanǵan) mynadaı ózgerister enizilsin:
Kórsetilgen buıryqpen bekitilgen Ǵylymı jáne (nemese) ǵylymı-tehnıkalyq qyzmet sýbektileriniń qyzmetin baǵalaý ádistemesinde:
úshinshi bóligi mynadaı redaksııada jazylsyn:
«Ýákiletti organ ǵylymı jáne (nemese) ǵylymı-tehnıkalyq qyzmet sýbektileriniń qyzmetin baǵalaý reıtıngin sońǵy 5 jyldaǵy málimetterdiń negizinde aıqyndaıdy. Eger sýbektiniń qyzmet kezeńi 5 jyldan aspaıtyn bolsa, onda baǵalaý reıtıngi barlyq kezeń boıynsha aıqyndalady».
2. Bilim jáne ǵylym salasyndaǵy baqylaý komıteti (S.A.Yrsalıev):
1) osy buıryqty belgilengen tártippen Qazaqstan Respýblıkasy Ádilet mınıstrliginde memlekettik tirkeýdi qamtamasyz etsin;
2) osy buıryqty memlekettik tirkeýden ótkennen keıin buqaralyq aqparat quraldarynda jarııalasyn;
3. Osy buıryqtyń oryndalýyn baqylaý Bilim jáne ǵylym vıse-mınıstri M.Q. Orynhanovqa júktelsin.
4. Osy buıryq alǵashqy resmı jarııalanǵan kúninen bastap kúntizbelik on kún ótken soń qoldanysqa engiziledi.
Mınıstr B.JUMAǴULOV.
Buıryq Qazaqstan Respýblıkasynyń Ádilet mınıstrliginde 2013 jylǵy 11 shildede Normatıvtik quqyqtyq kesimderdi memlekettik tirkeýdiń tizilimine №8570 bolyp engizildi.
