Qarýly Kúshterde áskerı qyzmetshilerdiń densaýlyq qaýipsizdigin qamtamasyz etýge, jeke quram men otbasy músheleriniń arasynda juqtyrý jaǵdaılaryn boldyrmaýǵa baǵyttalǵan aýqymdy jumystar jalǵastyrylýda.
Barlyq áskerı bólimder men mekemelerde epıdemııaǵa qarsy qorǵaýdy kúsheıtý maqsatynda ótkizý rejımi medısınalyq súzgimen jabdyqtalǵan tek bir ǵana baqylaý-ótkizý pýnkti arqyly júzege asyrylady. Bir ret qoldanylatyn medısınalyq maskalardy aýystyrý tártibin saqtaı otyryp kııý mindetteldi. Barlyq áskerı qyzmetshiler mindetti túrde kúnine eki ret medısınalyq tekserýden ótedi.
Jeke quramdaǵy áskerı qyzmetshilerdiń arasyn 2 metr qashyqtyqtyqty saqtaı otyryp sapty alshaq turyp ótkizý tapsyryldy.
Keńes barysynda Qorǵanys mınıstri Nurlan Ermekbaev barlyq aldyn alý sharalaryn naqty saqtaý qajettigine nazar aýdardy.
Áskerı mindettilermen arnaıy jıyn ótkizýge basa nazar aýdarylady. Qorǵanys vedomstvosynyń basshysy barlyq qatysýshylardy qajetti zattarmen jáne maýsym boıynsha belgilengen áskerı kıim nysany jıyntyǵymen ýaqtyly qamtamasyz etýdi tapsyrdy. Barlyq is-sharalardy sanıtarlyq-gıgıenalyq normalardy qatań saqtaı otyra ótkizý qajet.
Esterińizge sala keteıik, Memleket basshysynyń 2 sáýirdegi Jarlyǵyna sáıkes, oblystar men Respýblıkalyq mańyzy bar qalalardyń ákimdikteri aýmaqtyq áskerlerdiń áskerı mindettilerin jıyndarǵa shaqyrý quqyǵyna ıe boldy. Jıynnyń merzimi men shaqyrylatyndardyń sanyn ákimshilik ózderi anyqtaıdy. QR Qarýly Kúshteri Joǵarǵy Bas qolbasshysynyń bul sheshimi ár túrli mindetterdi sheshý úshin barlyq qol jetimdi resýrstardy paıdalanýǵa múmkindik beretin jergilikti atqarýshy organdardy qoldaýdyń tıimdi sharasy boldy. Mundaı qadam jurtshylyqtyń basym bóliginiń maquldaýmen, eldiń ıgiligi úshin ortaq iske óz erkimen úles qosqysy keletin jastardyń ótinishterimen súıemeldenýde.
