Shaǵyn jáne orta kásipkerlik sýbektilerin, onyń ishinde jeke kásipkerlerdi qoldaýdyń arnaıy baǵdarlamasy sheńberinde aınalymdyq qarajatty tolyqtyrýǵa jyldyq 8%-dan aspaıtyn mólsherlememen jeńildikti kredıtter bólinetin bolady.
Baǵdarlama sharttary boıynsha qaryzdyń eń joǵary merzimi 12 aıǵa deıin merzimdi quraıdy. Bul rette kredıt berýdiń eń joǵary somasy jeke kásipkerler úshin 50 mln teńgege deıin jáne zańdy tulǵalar úshin qyzmettiń qandaı da bir salalary boıynsha shekteýsiz 3 mlrd teńgege deıin somany quraıdy.
Jýsan Bank Basqarma tóraǵasynyń orynbasary Mıras Shaıhyslamov. «Biz burynnan kele jatqan klıentter men jańa klıentterdi qarjylandyrýdy qarastyryp jatyrmyz. Bul tabysy azaıǵan, satyp alýshylar tarapynan tólemder keshiktirilip jatqan, sondaı-aq qyzmetkerleriniń shtattyq sany qysqartylǵan kompanııalar bolýy múmkin. Osyndaı qıyn kezeńde biz klıentterimizge kómek kórsetýge jáne otandyq bıznesti qoldaýǵa daıynbyz», - dep atap ótti delingen bank habarlamasynda.
Jýsan Bank óz klıentterine qoldaý kórsete otyryp, 90 kúnge deıingi merzimge kredıtter boıynsha keıinge qaldyrý múmkindigin usynǵan bolatyn. ShOB sýbektilerine jeńildikti kredıt berý baǵdarlamasyn Qazaqstan Respýblıkasynyń Prezıdenti Qasym-Jomart Toqaevtyń tapsyrmasy boıynsha Ulttyq Bank jáne Qarjy naryǵyn retteý jáne damytý agenttigi qurastyrdy.
Baǵdarlamany iske asyrýǵa aktıvter sapasynyń táýelsiz baǵalaýynan ótken (AQR), portfelinde ShOB sýbektileriniń qaryzdary bar baǵdarlama qatysýshylary - ekinshi deńgeıli 13 bankte salymdardy ornalastyrý arqyly 600 mlrd teńge bólinedi. Baǵdarlama operatory – Qazaqstan ornyqtylyq qory.
Banktiń saıtynda jeńildikti kredıt berýdiń sharttarymen tanysýǵa, sondaı-aq qazirden bastap ótinish berýge bolady.
ALMATY
