2013 jylǵy 29 sáýir, Astana qalasy
«Joǵary bilim berýdiń kásiptik oqý baǵdarlamalaryn iske asyratyn Qazaqstan Respýblıkasy Ishki ister mınıstrliginiń bilim berý uıymdaryna oqýǵa qabyldaý erejesin bekitý týraly» Qazaqstan Respýblıkasy
Ishki ister mınıstriniń 2011 jylǵy 26 sáýirdegi №186 buıryǵyna ózgerister engizý týraly
«Quqyq qorǵaý qyzmeti týraly» Qazaqstan Respýblıkasynyń 2011 jylǵy 6 qańtardaǵy Zańynyń 9-baby 1-tarmaǵyna sáıkes buıyramyn:
1. «Joǵary bilim berýdiń kásiptik oqý baǵdarlamalaryn iske asyratyn Qazaqstan Respýblıkasy Ishki ister mınıstrliginiń bilim berý uıymdaryna oqýǵa qabyldaý erejesin bekitý týraly» Qazaqstan Respýblıkasy Ishki ister mınıstriniń 2011 jylǵy 26 sáýirdegi №186 buıryǵyna (Normatıvtik quqyqtyq aktilerdi memlekettik tirkeý tiziliminde №6977 bolyp tirkelgen, «Egemen Qazaqstan» gazetinde 2011 jylǵy 11 maýsymda №247-248 (26646) jarııalanǵan) mynadaı ózgerister engizilsin:
kórsetilgen buıryqpen bekitilgen Joǵary bilim berýdiń kásiptik oqý baǵdarlamalaryn iske asyratyn Qazaqstan Respýblıkasy Ishki ister mınıstrliginiń bilim berý uıymdaryna oqýǵa qabyldaý erejesi osy buıryqqa qosymshaǵa sáıkes redaksııada jazylsyn.
2. Kadr jumysy departamenti (A.Ú.Ábdiǵalıev) Qazaqstan Respýblıkasy Ádilet mınıstrliginde osy buıryqty belgilengen tártipte memlekettik tirkeýdi jáne merzimdi baspa basylymdarda jarııalaýdy qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń birinshi orynbasary polısııa general-maıory M.Ǵ.Demeýovke júktelsin.
4. Osy buıryq alǵash resmı jarııalanǵan kúninen kúntizbelik on kún ótkennen keıin qoldanysqa engiziledi.
Mınıstr polısııa general-leıtenanty Q.QASYMOV.
Qazaqstan Respýblıkasy Ishki ister mınıstriniń
2013 jylǵy 29 sáýirdegi №302 buıryǵyna qosymsha
Qazaqstan Respýblıkasy Ishki ister mınıstriniń
2011 jylǵy 26 cáýirdegi №186 buıryǵymen bekitildi
Joǵary bilim berýdiń kásiptik oqý baǵdarlamalaryn iske asyratyn Qazaqstan Respýblıkasy Ishki ister mınıstrliginiń bilim berý uıymdaryna oqýǵa qabyldaý erejesi
1. Jalpy ereje
1. Osy Ereje «Quqyq qorǵaý qyzmeti týraly», «Bilim týraly» Qazaqstan Respýblıkasynyń zańdaryna, Qazaqstan Respýblıkasy Úkimetiniń 2012 jylǵy 19 qańtardaǵy № 111 qaýlysymen bekitilgen Joǵary bilim berýdiń kásiptik oqý baǵdarlamalaryn iske asyratyn bilim berý uıymdaryna oqýǵa qabyldaýdyń úlgi qaǵıdalaryna (budan ári – Úlgi qaǵıdalar) sáıkes ázirlendi.
2. Osy Ereje Qazaqstan Respýblıkasy Ishki ister mınıstrligi Ishki áskerleriniń áskerı oqý oryndaryn qospaǵanda, Qazaqstan Respýblıkasy Ishki ister mınıstrliginiń (budan ári – IIM) joǵary oqý oryndaryna oqýǵa qabyldaý tártibin retteıdi.
3. IIM joǵary oqý oryndaryna oqýǵa qabyldaý tártibi qabyldaýdy uıymdastyrýdy, talapkerlerdi medısınalyq, dene jáne psıhofızıologııalyq kórsetkishteri boıynsha irikteýdi, IIM joǵary oqý oryndarynyń tyńdaýshylar qataryna qabyldaýdy quraıdy.
4. IIM joǵary oqý oryndarynyń kúndizgi oqytý nysany boıynsha orta bilimi bar, on alty jasqa tolǵan, ishki ister organdary qyzmetkerlerine qoıylatyn talaptarǵa jaýap beretin, densaýlyǵy boıynsha áskerı qyzmetke jáne oqýǵa jaramdy Qazaqstan Respýblıkasynyń azamattary qabyldanady.
5. IIM joǵary oqý oryndary osy Erejege 1-qosymshada kórsetilgen mamandyqtar tizbesine sáıkes mamandyqtar boıynsha kadrlar daıarlaýdy júzege asyrady.
6. IIM-niń joǵary oqý oryndaryna oqýǵa túsýge nıet bildirgen azamattar turǵylyqty jeri boıynsha aýmaqtyq Ishki ister departamentteriniń, Kóliktegi ishki ister departamentiniń, Qylmystyq-atqarý júıesi departamentteriniń (budan ári – IID, KIID, QAJD) kadr jumysy basqarmalaryna ótinish (erkin nysanda) beredi.
О́tinishke:
1) jeke kýáliginiń kóshirmesi (notarıaldy rastalǵan);
2) fotosýretter (bas kıimsiz, kólemi 3,5h4,5 sm. alty fotosýret, kólemi 10h12 sm. bir fotosýret);
3) óz qolymen toltyrylǵan ómirbaıan (túpnusqa);
4) bilimi týraly attestaty nemese dıplomynyń kóshirmesi (ótken jylǵy bilim berý uıymdarynyń bitirýshileri úshin notarıaldy rastalǵan);
5) «Bilim alýdy aıaqtamaǵan adamdarǵa beriletin anyqtama nysanyn bekitý týraly» Qazaqstan Respýblıkasy Bilim jáne ǵylym mınıstriniń 2009 jylǵy 12 maýsymdaǵy №289 buıryǵymen (Normatıvtik quqyqtyq aktilerdi memlekettik tirkeý tiziliminde № 5717 bolyp tirkelgen) bekitilgen anyqtama nysanyna sáıkes bilim alýdy aıaqtamaǵan adamdarǵa beriletin anyqtama (oqýǵa túsetin jylǵy bilim berý uıymdarynyń bit
