2013 jylǵy 4 sáýir, Astana qalasy
Mamandandyrylǵan uıymdardyń agroónerkásiptik keshen sýbektilerine óteýsiz negizde berýine jatatyn aqparat pen
qyzmetterdiń tizbesin bekitý týraly
2005 jylǵy 8 shildedegi «Agroónerkásiptik keshendi jáne aýyldyq aýmaqtardy damytýdy memlekettik retteý týraly» Qazaqstan Respýblıkasy Zańynyń 15-babynyń 2-tarmaǵyn iske asyrý maqsatynda buıyramyn:
1. Mamandandyrylǵan uıymdardyń agroónerkásiptik keshen sýbektilerine óteýsiz negizde berýine jatatyn aqparat pen qyzmetterdiń tizbesi bekitilsin.
2. Qazaqstan Respýblıkasy Aýyl sharýashylyǵy mınıstrliginiń Investısıalyq saıasaty departamenti osy buıryqtyń Qazaqstan Respýblıkasy Ádilet mınıstrliginde memlekettik tirkelýin jáne zańnamada belgilengen tártippen resmı jarııalanýyn qamtamasyz etsin.
3. Osy buıryqtyń oryndalýyn baqylaý jetekshilik etetin vıse-mınıstrge júktelsin.
4. Osy buıryq alǵashqy resmı jarııalanǵannan keıin kúntizbelik on kún ótken soń qoldanysqa engiziledi.
Mınıstrdiń m.a. G.ISAEVA.
Qazaqstan Respýblıkasy Aýyl sharýashylyǵy mınıstriniń m.a.
2013 jylǵy 4 sáýirdegi № 10-1/150 buıryǵymen bekitilgen
Mamandandyrylǵan uıymdardyń agroónerkásiptik keshen sýbektilerine óteýsiz negizde
berýine jatatyn aqparat pen qyzmetterdiń tizbesi
1. Mamandandyrylǵan uıymdardyń agroónerkásiptik keshen sýbektilerine óteýsiz negizde berýine jatatyn aqparattar:
1) agroónerkásip keshenin memlekettik qoldaý baǵyttary, agroónerkásip kesheni salasynda qabyldanǵan normatıvtik - quqyqtyq aktiler jáne agroónerkásip keshenin damytýdyń ózge de máseleleri boıynsha;
2) respýblıkanyń barlyq óńirleri boıynsha aýyl sharýashylyǵy ónimderiniń, azyq-túliktiń, tórt túlik maldyń, jem-shóp pen janarjaǵar maıdyń aǵymdaǵy baǵalary boıynsha;
3) agroónerkásip kesheni úshin materıaldyq-tehnıkalyq resýrstardy jáne qyzmetterdi óndirýshiler men jetkizýshiler boıynsha;
4) óńirlerge baılanysty (tuqym sorty, tyńaıtqyshtar, ýly hımıkattar, sonymen qatar mehanızasııa quraldary), odan ári jumys isteý úshin baılanys telefondary men meken-jaılary týraly málimetterimen qosa óndiriske engizý úshin synaqtan ótken jáne usynylǵan sońǵy ǵylymı ázirlemeler boıynsha;
5) respýblıkada jáne basqa da elderde josparlap otyrǵan semınarlar, trenıngter, tusaý-keserler men uıymdastyrylatyn kórme-jármeńkelik sharalar týraly;
6) usaq jáne orta aýyl sharýashylyǵy qurylymdarynyń qarjylyq saýattylyǵyn arttyrý (býhgalterlik esepti júrgizý men eseptilik jáne basqa da uqsas máseleler jóninde) boıynsha;
7) dándi daqyldar túrleri jóninde kóktemgi egis egý jáne jınaý jumystary boıynsha.
2. Mamandandyrylǵan uıymdardyń agroónerkásiptik keshen sýbektilerine óteýsiz negizde berýine jatatyn qyzmetter:
1) qarjylyq (ekinshi deńgeıli bankter, shaǵyn nesıe mekemeler), saqtandyrý jáne baǵalaý qyzmetterdiń sharttary men quny boıynsha keńes berý;
2) arnaıy mamandandyrylǵan merzimdik basylym (bıýlleten) shyǵarý jáne ony agroónerkásip kesheni sýbektilerine jetkizý.
Buıryq Qazaqstan Respýblıkasynyń Ádilet mınıstrliginde 2013 jylǵy 29 sáýirde Normatıvtik quqyqtyq kesimderdi memlekettik tirkeýdiń tizilimine №8443 bolyp engizildi.
